D Psalme 119 bis 150

 

Der Längste Bibelvers in der Bibel.  D Psalme 119 bis 150  in wahren deutsch 176 Verse 2759 Wörter  in Schwizerdütüsch  176 Vers  2682 Verse

D Psalme 119 bis 150

 

(Aleph)

119 Glücklech si die, wo sech uf ihrem Wäg nüt lö lo zuschulde,

die ihre Läbenswäg nach däm Gsetz Jehovas usrichte.

 2 Glücklech sy die, wo sini Erinnerige beachtet,

die mit ganzem Herze nach ihm sueche.

 3 Si verübe ke Ungerechtigkeit,

uf sy Wäg göh si.

 4 Du hesch agordnet,

dass me dini befehl gwüssehaft befolgt.

 5 Chönnti doch nume Standhaft bliibe,

damit ig dini vorschrifte ihalte!

 6 De müessti mi nid schäme,

wenn ig mi mit auune dine Gebot befasse.

 7 I wirde di mitemene ufrichtige Härz prise,

weni dini grächte Urteile kenne lerne.

 8 Dini Vorschrifte wirdi ihalte.

O la mi niemals völlig im Stich.

 (Bet)

 9 Wie cha e junge Mönsch si Wäg dri erhalte?

Indem är sech a dini Wort haltet u ufpasst.

10 Mit mim ganze Härz suech i di.

Lah mi nid vo dine Gebot abwiiche.

11 Was du gseit hesch bewahre ich i mim Herz uuf,

damit ig nid gägä di sündige.

12 Du sellsch priise sii, jehova.

Lehr mi dini Vorschrifte.

13 Mit mine Lippe verkündeni

alli Urteile wod gredet hesch.

14 Über die erinnerige wo vo dir chöme, freui mi

meh aus über aues angere wärtvoue.

15 Über dini Aordnige wirdi nachedänke

u dini Wäg fescht im Blick bhaute.

16 Dini Bestimmige sy mer am Härz gwachse.

I wirde dini Wort nid vergässe.

ג (Gimel)

17 Bis guet zu dim Diener,

damit ig läbe u mi a dini Wort haut.

18 Öffne mini Ouge

für all ds wunderbaare i dim gsetz,

damit igs klar erkenne.

19 I bi nume e Frömder im Land.

Verbirg dini Gebot nid vor mir.

20 D Sehnsucht nach dine Urteilssprüch

verzehrt mi immerzu.

21 Du richtisch scharfi wort a d amassende,

ad Verfluechte wo vo dine Gebot abwiiche.

22 Befrei mi vo Hohn u Verachtig,

denn i ha dini erinnerige beachtet.

23 Selbst we Fürschte zämesitze u gäg mi rede:

Ig, di Diener, dänk über dini Vorschrifte noche.

24 Die vo dir kommende Erinnerige si mir as Härz gwachse,

si si mini Ratgeber.

ד (Dalet)

25 I ligge usgstreckt im Staub.

Erhalte mi am Läbe, wie dus versproche hesch.

26 Vo mine Wäg hani dir verzellt u du hesch mer gantwortet.

Lehr mi dini Vorschrifte.

27 Lah mi d Bedütig vo dine Aordnige verstah,

damit ig cha über dini wunderbare tate nachedänke.

28 I bi schlaflos gsi vor chummer.

Stärki mi wies versproche hesch.

29 Heb der Wäg vom Betrug färn vo mir

u i dire Güte lehrt mi dis Gsetz.

30 Dr Wäg dr Treue hani gwählt.

Ig erkenne ah dass dini Urteil richtig si.

31 A de Erinnerige wo vo Dir chöme halti fescht.

O Jehova, la mi nid enttüscht werde.

32 Dr Wäg vo dire Gebot wirdi zielstrebig verfolge,

Denn du machsch mis Härz wiit für das.

ה (He)

33 Lehr mi, o jehova, dr wäg dire Vorschrifte

u i wirde bis zum endi druf blibe.

34 Gib mir Verstand,

damit ich dis gsetz beachte

u mi mit ganzem Herze dra halt.

35 Füehr mi uf em Wäg dinere Gebot,

denn dra findi Gfaue.

36 Wände mis Härz dine Erinnerige zue,

nid sälbstsüchtigem gwünn.

37 Wänd mi Blick vo Wertlosem wäg.

Uf diim Wäg erhaltä mi am Läbä.

38 Erfüll ds Verspreche wod dim Diener geh hesch

damit me Ehrfurcht vor dir het.

39 Nimm d Schand wäg, vor däm's mir graut,

wüu dini urteil sy guet.

40 Gseh doch, wi ig mi nach diine Anordnige sehne!

I dire Grächtigkeit erhalte mi am Läbe.

ו (Waw)

41 Wenn ich doch nume dini loyale Liebi dörfti erfahre, o Jehova,

di Rettig wi du se versproche hesch.

42 De wirdi dem antworte wo mi verspottet,

wüu uf dini Wort vrtrau ig.

43 d Wort vor Wahrheit nid völlig vo miine Lippe entferne,

weu uf di urteil hani ghofft.

44 A dis Gsetz wirdi mi unentwegt halte,

für immer u ewig.

45 Und i wird mi amene sichere Ort bewege,

da ig nach dine aordnige forsche.

46 Vor Könige wirdi über d Erinnerige rede, wo vo dir chöme,

u i wirde mi nid schäme.

47 Dini Gebote si mer am Härz gwachse,

ja ig lieb sie.

48 Zu dine Gebot, woni liebe erhäbe mini Händ,

u über dini vorschrifte wirdi nachedänke.

ז (Zajin)

49 Erinneret di a ds Verspreche wod dim Diener gä hesch,

durch das du mir hoffnig schenksch.

50 Ds isch mi Troscht i mim Chummer,

wüu dini zuesag het mi am läbe erhalte.

51 D amassende verachtet mi zuetiefst,

aber i weiche nid vo dim gsetz ab.

52 i erinnere mi a dini urteil us alter zit jehova

u si gäbe mir Troscht.

53 Glüehre Zorn packt mi wäg der Böse,

wo dis Gsetz verlöh.

54 Dini Vorschrifte si Lieder für mi,

wo immer ig wohne.

55 Bi Nacht dänki a di Name o jehova,

damit ig mi a dis gsetz halte.

56 Dies isch mer zur Gwohnheit worde,

wöu ig dini anordnige befolgt ha.

ח (Chet)

57 Jehova isch mi aateil.

Ig ha vrsproche, mi a dini Wort zhaute.

58 Mit mim ganze Herze fleeni zu dir.

Schänk mer dini Gunst wie dus versproche hesch.

59 I ha mini Wäg überprüeft,

um mini schritt zu de erinnerige zruggzlänke, wo vo dir chöme.

60 Ig zügle mi u zögere nid,

dini gebot zbhaute.

61 Di Strick vo de Böse umgäbe mi,

aber dis gsetz vergessi nid.

62 Um mitternacht stahni uf zum dir danke

für dini rechte Urteil.

63 E fründ bini vo allne wo ehrfurcht vor dir hend,

und vo dene wo sech a dini Aordnige halte.

64 Dini loyal Liebi, o Jehova, erfüllt d Erde.

Lehr mi dini Vorschrifte.

ט (Tet)

65 Du hesch din Diener guet behandlet,

o jehova, wies versproche hesch.

66 Lehr mi gueti Urteilsfähigkeit u Erkenntnis,

denn uf dini Gebot hani mis Vertraue gsetzt.

67 Bevor i Kummer erlitte, geriet i uf Abweg,

itz aber haut ig mi ah das wode seisch.

68 Du bisch guet u tuesch Guets.

Lehr mi dini Vorschrifte.

69 Di Amassende bsuäched mi mit Lüge,

doch i halt mi vo ganzem Herze a dini Aordnige.

70 Ihr Herz isch empfindigslosa,

doch mir isch dis gsetz as härz gwachse.

71 Es isch guet das i Chummer erlitte ha,

denn dadurch han ich dini Vorschrifte kenne.

72 Ds Gsetz wod verchündet hesch isch guet für mi,

besser aus Tuusigi Goud- u Silberstück.

י (Jod)

73 Dini Händ hei mi gschaffe u gformt.

Gib mer verstand demit ich dini Gebot kennelerne.

74 D Ehrfurcht vor dir händ, gseh mi u freue sech,

denn uf dini wort setz ig mini hoffnig.

75 ig weiss, o jehova das dini Urteil grächt si

u dass du mir us treue Chummer zuegfüegt hesch.t

76 Bitte tröscht mi dür dini loyal Liebi,

wüu die Zuesag hesch dim Diener gä.

77 Han Erbarme mit mir, damit ich am Läbe bliebe,

denn dis Gsetz isch mir am Härz gwachse.

78 D Aamassende sölle beschämt daste,

we si füege mir ohni grund unrecht zue.

Doch ig wirde über dini Aordnige nachedänke.

79 D Ehrfurcht vor dir händ sölled zu mir zruchere,

ja wär immer d erinnerige kennt wo vo dir chömet.

80 Möge ich dini Vorschrifte vo ganzem Herze befolge,

damit ig nid beschämt dasteah.

כ (Kaf)

81 Nach Rettig vo dir gsehni mi,

denn uf dini wort setz ig mini hoffnig.

82 Mini Ouge sehned sech nach dem wod seisch,

u zuglych fragi: "Wenn wirsch mi tröste?"

83 den i bi wienä im rouch ustrochnete läderböudle.

Doch dini vorschrifte vergessi nid.

84 wieviel täg mues din diener no warte?

Wenn wirsch z Urteil a min Verfolger vollstrecke?

85 D Aamassende graben mir Gerben,

ja die wo sech dim gsetz entgäged.

86 Alli dini Gebote sy vertrauenswürdig.

Me verfolgt mi ohni grund. Hilf mir!

87 Fasch het me mi vo der Ärde bsitigt,

doch i ha dini anordnige nid verlah.

88 Erhalte mi am Läbe i dire loyale Liebi,

damit ig d erinnerige beachte wo du usgsproche hesch.

ל (Lamed)

89 Für immer, o Jehova,

wärde dini Wort im Himmu bestah.

90 Dini Treue bliibt alli Generatione hindedure.

Du hesch dr Erde feschti Bestand gäh u so blibt si bestah.

91 Dür dini Rächtentscheidige si bis hüt da,

denn sy alli dini Diener.

92 Wär mir dis Gsetz nid as Härz gwachse,

i wär umcho vor luter chummer.

93 Nie wirdi dini Aordnige vergässe,

denn durch si hesch mi am Läbe erhalte.

94 I ghör dir. Rett mi,

denn nach Dine aordnige hani gsuecht.

95 D Böse warted druf mich z vernichte,

aber i achte genau uf die erinnerige wo vo dir chöme.

96 I ha gseh, dass aues voukommene Gränze het,

doch dim gebot si ke gränze gsetzt.

מ (Mem)

97 Wi sehr lieb i doch dis gsetz!

Der ganz Tag dänk i drüber nach.

98 Wiiser aus mini Feinde macht mi dis Gebot,

denn es isch mi ständige begleiter.

99 Ech ha meh isicht als all mini lehrer,

wiu ig über di erinnerige nachedänke, wo vo dir chöme.

100 Ech handle met me Verstand als älteri Manne,

wöu ig dini anordnige beachte.

101 Ig weigere mi, irgend e schlechte Wäg z ga,

um mi a dini wort chönne halte.

102 Vo dine Rechts¬ Entscheidige weichi nid ab,

denn du bisch mi Lehrer gsi.

103 Wie süess dini Wort doch mim Gaumen schmöcke,

sie sin süessa als Honig in minem Mul.

104 Dank dinere Anordnige han ich mit Verstand.t

Drum hass ig jede fausch Wäg.

נ (Nun)

105 Dini Wort sy e Lüüchte für mi Fuess

u es liecht für mi Wäg.

106 I ha gschwore u wirds o tue:

A dini grächte Urteile wird ig mi haute.

107 I ha grosse Chummer erlitte.

O Jehova, erhalte mi am Läbe wie dus versproche hesch.

108 Bitte freue di, o Jehova, über mi Lobpriis, mini freiwilligi Gabe,

u lehr mi dini rächts¬ entscheidige.

109 Mis Läbe isch ständig i Gfahr,

trotzdem hani dis gsetz nid vergesse.

110 D Böse hei mr e Fau gstellt,

aber i bi nid vo dine anordnige abgwiche.

111 Di vo dir kommende Erinnerige hani mr fescht z eigne gmacht,

wüu si mini Herzensfreud.

112 I ha beschlosse dini Vorschrifte z folge –

zu allne Zyte, bis am Ändi.

ס (Samech)

113 Di Halbherzige si mer verhasst,

aber dis gsetz liebi.

114 Du bisch mini Zflucht u mis Schiud,

denn uf dini wort setz ig mini hoffnig.

115 Blibt wäg vo mir, dir schlechte Mönsche,

damit i d Gebot vo mim Gott cha beachte.

116 ungerstütz mi, wies versproche hesch,

damit ig am Läbe blibe.

Lah mini hoffnig nid in enttüschig la ende.

117 unterstütz mi, damit i grettet wirde.

När wird ig mi geng uf dini Vorschrifte konzentriere.

118 Du weisch alli zru, wo vo dine Vorschrifte abwiiched,

wüu si fausch u hingerlistig.

119 Alli böse vo de Erde wirfsch wäg wi wärtlosi Schlacke.

Drum liebi d Erinnerige, wo vo dir chöme.

120 Us angst vor dir zittere ich am ganze körper.

Vor dine Urteile füchti mi.

ע (Ajin)

121 I ha nach Rächt u Gerechtigkeit ghandlet.

Überlah mi nid mine Ungerdrück!

122 Garantiere ds Wohl vo dim Dieners.

Die Amassende söue mi nid ungerdrücke.

123 Mini Ouge si müed worde vom warte uf Rettig vo dir

und vom warte uf dis rechtä versprechena.

124 Zeig dim Diener dini loyali Liebi

u lehr mi dini Vorschrifte.

125 I bi di Diener. Gib mer Verstand,

damit ig d erinnerige vo dir verstah.

126 Für Jehova isch d Zyt cho z handle,

denn me het dis gsetz broche.

127 Drum liebi dini Gebot

meh aus gold, ja feinsts gold.

128 Drum han i jedi Aleitig vo dir als richtig betrachtet.

Jede falsche Wäg hass i.

פ (Pe)

129 Die vo dir kommende Erinnerige si wunderbar.

Drum han i si beachte.

130 D Enthüllig vo dim Wort schenkt Liecht,

git dr Unerfahre Verstand.

131 Ig öffne mi Müu wit u süfze,

wöu ig mi nach diine Gebot sehne.

132 Wänd di mir zue u schenk mir dini Gunst,

entsprechend dine Rechts¬entscheidig für die wo din Name liebed.

133 Leit mi Schritt sicher dür das wo du seisch.

Nüt schlächts söll mi beherrsche.

134 Rette mi vor Ungerdrücker

u i wirde mi a dini Anordnige halte.

135 Lah dis Gsicht über dim Diener lüchte

u lehr mi dini Vorschrifte.

136 Träne ströme us mine Ouge,

will me dis gsetz nid haltet.

צ (Zade)

137 hesch recht o jehova,

u dini urteil sy fair.

138 D erinnerige wo vo dir chöme si grächt

und ganz und gar zueverlässig.

139 Mini Eifer verzehrt mi,

wöu mini Gägner hei dini Wort vergässe.

140 Was seisch isch düre u düre,

di di dier liebts.

141 I bi unbedütend und me verachtet mi.

Dennoch han ich dini Aordnige nid vergesse.

142 Dini Gerechtigkeit isch ewigi Gerechtigkeit

und dis gsetz isch wahrheit.

143 We o Kummer u Schwierigkeite über mi inebräche,

dini Gebot wärde mr immer lieb u tür si.

144 Die vo dir kommende Erinnerige si uf ewig grächt.

Gib mir Verstand, damit ig am Läbe blibe.

ק (Kof)

145 i rüefe us tüüfschte Herze. Antwort mir, Jehova!

Dini Vorschrifte wird ich beachte.

146 I lüte di ah. Rett mi!

A die vo dir kommende Erinnerige wirdi mi haute.

147 Scho vor de Morgedämmerig bi i wach gsi zum nach Hilf schreie.

denn uf dini wort setz ig mini hoffnig.

148 Mini Ouge öffne sech vor Beginn vo de Nachtwache,

sodass ig cha übers nachedänke was du gseit hesch.

149 Ghör mer doch zu i dinere loyale Liebi.

O Jehova, erhalte mi am Läbe i dire Grächtigkeit.

150 Di i schamloses Verhalte verwicklet si, nöcher sech.

Wit wäg sy si vo dim Gsetz.

151 Du bisch nah o Jehova,

und alli dini gebot si wohrheit.

152 Vor langer Zit hani die vo dir kommende Erinnerige kenne lerne,

erfahre dass se festgleit hesch damit si für immer bestöh.

ר (Resch)

153 Lueg uf mi Chummer u rette mi,

denn dis gsetz hani nid vergesse.

154 Verteidige mi u ret mi.

Erhalte mi am Läbe, wie dus versproche hesch.

155 Fern isch Rettig vo de Böse,

denn nach dine vorschrifte hends nid gforscht.

156 Dini Barmherzigkeit isch gross o Jehova.

Verhalte mi am Läbe i dire Grächtigkeit.

157 I ha viu Verfolger u Gägner.

Doch vo dine Erinnerige bini nid abgwiche.

158 Aagekelt luegi uf d Verräter,

will sie sech nid a das halte, wo du gseit hesch.

159 Gseh doch, wi sehr ig dini Aordnige liebe!

O Jehova, erhalte mi am Läbe i dinere loyale Liebi.

160 Dini Wort si dr Inbegriff vo dr Wahrheit

u aui dini grächte Urteile blibe für immer.

ש (Sin oder Schin)

161 Fürschte verfolge mi ohni Grund,

aber mi Herz isch vu Ehrfurcht vor dine Wort erfüllt.

162 I freue mi über das wo du gseit hesch

wi eine, wo grossi Büüte macht.

163 Falschheit isch mir verhasst, ja i verabschiede si,

doch dis gsetz liebi.

164 Sibe Mal am Tag priis ig di

für dini rechte Urteil.

165 Friede ohni Endi hei die wo dis Gsetz liebe.

Nüt bringt si zu Falla.

166 Ig hoffe uf dini Rettigstate, o Jehova,

u dini Gebot beachti.

167 Ig haltä mi adä vo dir kommende Erinnerige

un liebe sie vu Herze.

168 Dini Aordnige u Erinnerige hani beachtet,

wiu du aues weisch, was i tue.

ת (Taw)

169 Lah min Hilferuf zu dir dringe, o Jehova.

Gib mer verständnis dür dini wort.

170 Möge mini Bitte um Gunst vor di cho.

Rett mi wie dus versproche hesch.

171 Mini Lippe sölled vor Lobpriis übersprudle,

denn du lehrsch mi dini Vorschrifte.

172 Mini Zunge söu bsinge, was du gseit hesch,

denn alli dini Gebote sin gerecht.

173 Dini Hand isch parat, mir zhälfe,

wöu ig mi drfür entscheide dini Aordnige z befolge.

174 I sehne mi nach rettig vo dir o jehova,

u dis Gsetz isch mir am Härz gwachse.

175 Lah mi läbe damit ig di cha prise.

Dini Urteil sy mer e Hilf.

176 i bi umenandgirrt wienes verlorenes schaf. suech din Diener,

wüu dini Gebot hani nid vergässe.