D Psalme 139 bis 150
- von rico loosli 6924 bioggio tessin
-
Zugriffe: 366
D Psalme 139 bis 150
Für de musikalische Leiter. Vo David. Es musikstück.
139 O Jehova, hesch mi dureforscht und kennsch mi.
2 Weisch weni mi setze u weni ufstah.
Us dr Färn erkennsch mini Gedanke.
3 Öb ig ungerwägs bi oder mi anlege du beobachtisch mi.
Mit allne min Wäg bisch vertraut.
4 No bevor i es Wort uf dr Zunge ha,
kennsch, o jehova, es scho genau
5 Vorn u hinde umschlüsst du mi.
U du legsch dini Hand uf mi.
6 Das Wüsse überstigt mi Verstand.
Es isch zhöch aus das is erfasse chönnt.
7 Wo ane chani vor dim Geischt entcho,
ja wo ane chani flüge damit mi nid gsehsch?
8 Würdi zum Himmel ufstiege, wärsch dert.
U würdi mi is Grab bätte, dert wärsch.
9 Würdi mit de Flügel vor Morgenröte wägflüge,
zum am entlegschte Meer z wohne:
10 Säuber dört würd dini Hand mi füehre,
dini rächti Hand würd mi haute.
11 Würd i säge: "Bestimmt wird Finsternis mi verberge!",
de würd di Nacht um mi ume z Liecht.
12 Selbst d Finsternis wär nid z finschter für di,
sondern d Nacht wär taghell.
Finsternis isch für di gliche wi Liecht.
13 Denn du hesch mini niere gschaffe,
hesch mi abgschirmt im mueterleib.
14 I priise di, wüu i uf Ehrfurcht iiflössendi Wiis wunderbar gmacht bi.
Dini werch sy wunderbar,
das weissi nume z guet.
15 Mini Chnoche si nid vor dir verborge gsi,
woni insgeheim gmacht bi,
als i in de Defe dr Erde gwäbt worde bi.
16 Dini Ouge hei mi sogar aus Embrio gseh.
Alli sy Teil sy i dim Buech verzeichnet gsy,
ja a welne tag si bildet worde,
scho aus no keis vo ihne existiert.
17 Drum: Wi choschtbar dini Gedanke doch für mi si!
O Gott, wi gwaltig isch ihri Summe!
18 Würd i probiere se zeuä – si zahlricher aus d Sandkörner.
Weni erwachse bini immer no bi dir.
19 O Gott, würdsch dä Böse doch nume töte!
De würde sech di gwauttätige Manne vo mir zruzieh,
20 wo i böser absicht gäge di rede.
Si sy dini Gägner, bruche di Name uf unwürdigi Wiis.
21 Hass i nid die wo di hasse o Jehova,
u chle mi nid vor dene wo sech gäg di uflehne?
22 Nüt aus Hass hani für se übrig.
Si sy mir z ächte Feind worde.
23 Durchforsch mi, o Gott, und erkänn mis Herz.
Untersuech mi u erkenne mini sorgevolle Gedanke.
24 Gseh, öb i mir irgendöppis isch wo mi ufene schädliche Wäg füehrt,
un leit mi uf däm Wäg dr Ewigkeit.