D Psalme 64 bis 150

D Psalme 64 bis 150

Für de musikalische Leiter. E musikstück vom David.

64 Los mini Stimm, o Gott, weni di alah.

Schütze mis Läbe vor em Feind.

 2 Schirm mi ab gäge di heimle Plän vo de Böse,

gäg d Mengi vo dene wo verchehrt handle.

 3 Ihri Zunge schärfe si wi ne Schwärt.

Mit ihrne giftige Wort ziile sie we mit Pfili,

 4 um vo ihrem Versteck us uf de Unschuldige z'schüsse.

Ganz plötzlech schiesse si uf ne, ohni sech zförchte.

 5 Si blibe bi ihre böse Absicht,

beratschlage wi si chöi ihri Fäll verstecke.

"Wer wird sy scho gseh?" säge si.

 6 Si brüet nöii Schlächtigkeite us,

legge sech heimlich ihri raffinierti Strategie zrächt.

D Gedanke im Härz vo eim jede si unergründbar.

 7 Doch Gott wird uf se gschosse.

Ganz plötzlech wärde si vom ne Pfili verwundet.

 8 Ihri eigeti Zunge wird ihre Sturz verursache.

Alli wo zueluege wärde der Chopf schüttle.

 9 Alli Mensche wärde denn Angst übercho

un vukündige, was Gott doe het.

Si wärde Iiblick i syne Tate ha.

10 De Gerecht wird Fröid an Jehova ha u bi ihm Schutz sueche.

Aui vo Härze Ufrichtige wärde juble.