Hiob 18 vo 42
- von rico loosli 6924 bioggio tessin
-
Zugriffe: 557
Hiob 18 vo 42
18 Bildad, der Schüchiter, erwideret:
2 "Wie lang duuret's no, bis Der mit Öiem Rede ufhöret?
Zeigt e chli Verstand, de chöi mir rede.
3 Wieso sötte mir aus Tier agse wärde
und i öire ouge aus dummschöpf gälte?
4 Sälbscht we di vor Wuet zerfleisch –
wird d erde öpe dinetwäge entvöukeret werde
oder dr Felse vo sire Stell rücke?
5 Ja, ds Liecht vom schlächte Mönsch wird usglöscht werde
u d Flamme vo sim Füür wird nid lüchte.
6 Ds Liecht i sim Zält wird gwüss dunku wärde
u d Lampe über ihm wird usglöscht.
7 Sini chräftige Schritt wärde chürzer
u si eigeti Rat wird ne z Fau bringe.
8 Wüu sy Füess wärde ne i es Netz länke
u uf däm Maschä wird er loufä.
9 E Fau wird ne ar Färse packe.
E Schlinge wird ne fanga.
10 E Strick isch für ne ufem Bode versteckt
un e fall befindet sech uf sym Pfad.
11 Vo allne Siite angstige ne Schrecke
u hefte sech a syni Färse.
12 Sini Chraft verseit
u ds unglück wird ne zum schwanke bringe.
13 Sini Hut wird zerfresse.
Di tödlechscht Chrankheit verzellt sini Glieder.
14 Us dr Sicherheit vo sim Zelt wird er fortgrisse
und zum Chönig vo dr Schrecke abgfüehrt.
15 Frömdi wärde i sym Zält läbe.
Schwefel wird uf sis dihei gstreut wärde.
16 Sini Wurzle unger ihm wärde vertrochnä
un sini Zwig iba nem vudorrt.
17 D Erinnerig an ihn wird vo dr Erde verschwinde
un uf dr Schtross wird ma si Name nit kenne.
18 Me wird ne usem Liecht i d Finsternis jage
u vom fruchtbare Land vertrybe.
19 Är wird ke Nachwuchs u ke Nachkomme unger sim Volk ha
un a sinem Wohnort wird nen nemads ibaläbe.
20 We si Tag chunnt, werde d Mönsche im Weschte entsetzt sy,
u d Mönsche im Oschte wird ds Graue packe.
21 Das passiert mit de Zelte, wo verchehrt handlet,
un mit däm Platz, der Gott nit kennt het.