Hiob 26 vo 42 l3

Hiob 26 vo 42 l3

26 Hiob erwideret:

2 "Wie sehr häsch em Chraftlose ghulfe!

Wi du dä schwache Arm doch grettet hesch!

 3 Wie brillant hesch doch dä berate wos a Wiisheit fählt!

Wie grosszügig hesch du din gsunde Menscheverstand enthüllt!

 4 Wem verzellsch da eigentlech öppis?

Wär het di drzue inspiriert so öppis z säge

 5 Die im Tod Chraftlose zittere.

Si sy tüüf une, tüüfer aus ds Wasser u sini Bewohner.

 6 Nackt lit ds Grab vor gott

u der Ort vor Vernichtig isch unbedeckt.

 7 Är spannt d Nordhimel über em lääre Ruum uus,

hanget d Ärde a nüt uf.

 8 Är wicklet ds Wasser so i sine Wouche i,

dass sie nit unda ihrem Gwicht vurisse.

 9 Är versperrt dr Aablick vo sym Thrones,

indem är sini wulche vorhär usbreitet.

10 Är markiert dr Horizont uf dr Oberflächi vom Wasser.

Är ziet ä Gränze zwüsche Liecht u Dunkelheit.

11 Sälbscht d Süüle vom Himmel schwanked –

sy Machtwort versetzt se i Schrecke.

12 Dür sini Chraft tuet er ds Meer uuf

u dür si Verstand zerschmetteret er ds Seeigeheuer.

13 Mit sym Atem chlaart er dr Himmu uf.

Sy Hand düregboert di schwär zu fassendi Schlange.

14 Das aues sy nume d Säum vo sinere Wäg!

Nume es lisigs Flüschterli isch vo ihm z verneh!

Drum: Wär cha sy machtvolle Donner vrschtah?"