Hiob 38 vo 42

Hiob 38 vo 42

38 Jehova het Hiob denn usem Sturm gantwortet:

 2 "Wer isch ds wo verdunklet woni beschlosse ha.

und ohni Erkenntnis redet?

 3 Mach di bitte parat wi ne Maa.

I wirde di befrage u du ungerrichte mi.

 4 Wo bisch gsi woni ds Fundament dr Erde gleit ha?

Sägs mer we dänksch du versteisch öppis drvo.

 5 Wär het ihri Masse festgsetzt - falls es weisch?

Wär het e Mässschnur über se gspannt?

 6 Wo si ihri Socku igsekt worde

u wär het ihre Eckschtei gleit,

 7 aus d'mornschtärne mitenand jublete

un alli Bue Gottes in Beifallsruef usbroche?

 8 Wär het ds Meer hinger Türe igschlosse,

wo's us em Mueterläib fürebrocht,

 9 als i ds Wouche kleidet ha

un in dichtes Dunkle het gwicklet,

10 woni ihm e Gränze feschtsetze ha

un sini Riegel un Türen igsetzt het,

11 woni gseit ha "Bis daher darfsch cho u nid witter,

hie änd dini stolze wälle'?

12 Hesch je dem Morge e Befähl erteilt

oder em Tagesanbruch si Platz zuegwise,

13 damit är d Endi vo dr Erde packt

u di Böse us ihre useschüttlet?

14 D Erde verwandlet sech wi Lehm unger emne Siegel

u ihre Muschter sticht use wi bimne Chleid.

15 Doch dä Bös wird ires eigete Liecht entzoge

u ihre erhobene arm wird zerbroche.

16 Bisch zu de Quelle vom Meer abegange?

Hesch d Tiefe vom Wasser erforscht?

17 Het me dir d Tore vom Tod zeigt?

Hesch d Tore töifer Finsternis gseh?

18 versteisch öppis vo de wiite vor ärde?

Sägs mer we du über aues ds Bscheid weisch.

19 I wellere Richtig wohnt das Liecht?

Wo isch d Dunkelheit dehei,

20 sodass se i ihres gebiet chönntisch bringe

u wüsstisch weli Wäg zu ihrem dihei füehre?

21 Weisch das wöu du damals scho gebore bisch

u wüu du scho so viu Jahr läbsch?

22 Bisch id Vorratshüser vom Schnee inegange?

Hesch d Vorratskammere vom Haagel gseh,

23 woni für d Zyt vom Unglück ufghobe ha,

für ä Tag vom Kampf u Chrieg?

24 Us wellere Richtig wird ds Liecht gstreut

u vo wo us blast dr Ostwind ufd Erde?

25 Wär het dr Sturzfluet e Kanal grabe

un dr donnere Schturmwulch e Wääg baanet,

26i zums dert rägne z la, wo niemer läbt,

ir wildnis wos ke mensche git

27i für verwüschteti iidöde z wässe

u ds gras la z schprütze?

28 Het dr Räge e Vater?

Wär het d Tautropfe zügt?

29 Wär het ds iis zur wäut bracht?

Wär het dr Froscht vom Himmu gebore?

30 Wär überzieht ds Wasser wi mitere steinere decki

und laht d oberflächi vom tüüfe wasser zfriere?

31 Chasch d Tau vom Kim Sternbild verknote

oder d Strick vom Chesil-Sternbild löse?

32 Chasch es stärnbiud zu sinere zit usefüehre

oder ds Asch-Sternbild samt si Söhn leite?

33 Kennsch d Gsetz vom Himmel?

Chasch d'ärde vo sire Autorität unterwerfe?

34 Chasch de Wulche zurücke,

dass si di mit wassermasse söue bedecke?

35 Chasch Blitze ussende?

Wärde si cho u zu dir säge: "Hie sy mir!"?

36 Wär het d Wulche mit Wiisheit usgstattet?

Wär het dr Himmelsphänomen Verstand gäh?

37 Wär isch so wiis, dass är d Wulche cha zelle?

Wär cha d Wasserchrüg vom Himmu umkippe,

38 sodass der Stoub zunere Masse zämelouft

und d Erdchlümpe anenand chläbe?

39 Chasch Bouti für ne Löie jage

oder der Hunger junge Löie stille,

40 we sy i ihrem Bau chuure,

i ihrere Höhli uf dr Luur lie?

41 Wär versorgt dr Rabe mit Fuetter,

we sini Junge zue Gott um Hilf rüefe,

wenn si umehirre wills nüt essbars git?