Hiob 6 vo 42
- von rico loosli 6924 bioggio tessin
-
Zugriffe: 571
Hiob 6 vo 42
6 Hiob erwideret denn:
2 "We mer mini Qual doch nume ganz u gar wiä
u zämä mit mim Unglück uf Waagschalä legä!
3 Si isch itz schwärer aus dr Sand vo dr Meer.
Drum sy mini Wort unsinnigs Gerde gsy.
4 Denn d pfiile vom allmächtige hei mi durebohrt
u mi Geischt trinkt ihre Gift.
Vo Gott kommende Schrecke si gege mi ufmarschiert.
5 Wird es Wildesu öppe schreie wener Gras het?
Wird es Stier brülle wener Fuetter het?
6 Isst me öppis Fades ohni Salz?
Het Eibischschleim öppe Gschmack?
7 I ha mi gwigeret so öppis azrüere.
Es isch für mi wi huere Ässe.
8 Ach we mini Bitte doch nume gwährt würd,
würd Gott mir min Wunsch doch nume erfülle!
9 We gott doch nume parat wär mi zermalme,
wen er doch nume sini Hand usstrecke u mi vernichte!
10 Säubscht das würd mir Troscht spände.
I würd vor Fröid gumpe trotz mire unufhörleche Schmärze,
denn i ha de Wort vum Heilige nit abglehnt.
11 hani d chraft no witer z warte?
Weles änd erwartet mi dasi am läbe söu blibe?
12 Ha ig öppe d'Chraft vomne Felse?
Besteit mis Fleisch us chupfer?
13 Cha ig mir öppe säuber hälfe,
wo mir doch alli mittel gno worde si?
14 Wär o immer sym Mitmönsch loyal Liebi vorenthaltet,
wird d Ehrfurcht vor em Allmächtige ufgäh.
15 Mini eiget Brüeder sy trügerisch wi es Winterbach,
wi ds verrinnende Wasser vo Winterbäche.
16 Si sy trüb vom Iis,
schmelzender Schnee verbirgt sech i ihne.
17 Doch es chunt d Zyt da schwindet ihres Wasser u se versiege.
Wenns heiss wird, vertrochnet si.
18 Ihres Lauf änderet sich.
Si flüsse i d Wüesti u verliere sech.
19 D Karwanene vo Temak halte Usschou nach dene,
di Reisende us Schibal warte uf si.
20 Doch si wärde für ihres unahbrachts Vertroue beschämt.
Si chöme dert hii, nume zum enttüscht wärde.
21 So sinder für mi worde.
Ihr heit mis schreckliche Unglück gseh u fürchet euch.
22 Ha ig vilech gseit: 'Gäbe mer öppis'?
Han ig vo öich es Gschänk vo Öiem Vermöge verlangt?
23 Hani drum bätte, us dr Hand vomene Find befreit
oder vor ungerdrücker grettet z wärde?
24 Belehrt mi u i wirde schweige.
Helft mir mi Fähler zverstah.
25 Ehrlichi Wort tüe nid weh!
Doch wele Vorteil bringt öii Zurechtwiesig?
26 Plant ier, mini Wort z kritisiere,
d Rede vomene verzwiifelte Mönsch, wo dr Wind fortträgt?
27 Dir würdet sogar umnes Waisenchind Los rüere
u eue eiget fründ verchoufe!
28 Drehet nech etze um u lueget mi aa,
i würd nech doch nid is gsicht lüge!
29 Überleit bitte nomal – beurteilt mi nid falsch –,
ja, überleit nomal denn no isch mini rechtigkeit vorhande.
30 Isch öppe unrecht uf mire zunge?
Schmöckt mis Goume nid dass öppis nid stimmt?