Micha 5 vo 7
- von rico loosli 6924 bioggio tessin
-
Zugriffe: 480
Micha 5 vo 7
5 Jietz füesch der Schnitte zue,
o Tochter wod aagriffe wirsch. Mir werded belageret. Mit eim Stock schlönds am Richter Israels uf d'Wange.
2 U du, Bethlehem-Ephrat wo z chli isch um unger d Städt Judas grächnet z wärde, us dir wird für mi dr füre gah, dr Herrscher z Israel söu si, wo Ursprung us ferner Zyt isch us längscht vergangene Täg.
3 Drum wird er sys Volk ufgäh bis zu der Zyt, wo die Frau, wo es Chind söu übercho, gebore het. Und die übrige vo syne Brüedere wärde zum Volk Israel zruggkehre.
4 Er wird ufschtoh un Hirte si mit dr Kraft Jehovas, mit dr Erhabenheit vum Name Jehovas, sinem Gott. Un sie wäre in Sicherheit läbä, wel sini Greschte etze bis an d End dr Erde riche wird.
5 U är wird Friede bringe. Sött de Assyrer i üses Land idringe und üsi Verteidigungs¬türm zertrample, werde mir siebe Hirte gäge ihn iisetze, ja acht Fürste vo de Mönsche.
6 Si wärde ds Land Assyrie mit em Schwert hüüse u ds Land Nimrods a sine Iigäng.Und är wird üs vor em Assyrer rette, wener i üses Land imarschiert u wener üses Gebiet vertramplet.
7 Di Übrigblibene Jakobs wärde zmitzt unger viune Vouker wi Tou vo Jehova si, wi Rägeschouer für die Pflanze wo nid uf de Mönsche hofft no uf d Mönschesöhn wartet.
8 Di Übrigbliebene Jakobs wärde unger de Natione, zmitzt unger viune Vöuker, wi ne Löwe unger de wilde Tier vomene Wald sy, wi ne junge Löwe unger Schofhärde, wo dürezieht un aagriife un vrriisst, un nemads rettet se.
9 Dini Hand wird sech triumphierend über dini Gegner erhebe und aui dini Feind wärde vernichtet wärde.
10 A däm Tag", so erklärt Jehova, wird i d'Ross us dire Mitti besitige und dini Waage vernichte.
11 Ig wird d städt vo dim land zerstöre u aui dini feschtige niderriisse.
12 Ig wird dine Zauberie es End mache u kene wo Magie praktiziert wird i dire Mitti blibe.
13 Ich wird d Götze u d Süüle i dinere Mitti vernichte u du wirsch di nid länger vorem Wärch vo dinere Händ verbüüte.
14 Di heilige Pfähli i dinere Mitti wird i usriisse und dini Städt uslösche.
15 Voll Verärgerig u Zorn wirdi Rache vouzie a de Vöuker wo nid ghorcht hei.