Obadja 1 vo 1

Obadja 1 vo 1

OBADJA

1 D Vision Obadja:

Das seit de Souveräne Herr Jehova über Edom: "Mir hei e Nachricht vo Jehova ghört, e Abgsandte isch zu de Vöker gschickt worde: Mir rüschte üs zur Schlacht gäge Edom!

 2 "Ich ha di unbedütend lah werde unger de Vöker. Mi verachte dich tüüf.

 3 Dis ahmassende Härz het di betroge, di dä wo du i de Schlupfwinkle vo de Felse wohnscht, dä du höch obe wohnsch und dänksch: Wär wird mi zur Ärde abehole?

 4 säubscht we du di höch obe niederlosch wie dr Adler oder dis Nest bi de Stärne bauscht hole ig di vo dört abe", seit Jehova.

 5 "Wie Diebe, zu dir chöme Iibrächer bi Nacht, wi gründlech wirsch doch zerstört! Würde si nid nume das stähle was si wei? Oder wenns Truubeleser wäre wo zu dir chömme, würde sis nid öppis zur Nachläsi übrig lah?

 6 Oh, wie Esau dürsuecht worde isch! Wie me syni verborgene Schätz doch ufgspürt het!

 7 Bis zur Gränze hei si di tribe. Aui dini Verbündete hei di betroge. Alli Manne wo du friedlichi Beziehige hesch gha, hei di überwältiget. Die wo Brot mit dir ässe wärde es Netz unger dir uslege aber du wirschs nid merke.

 8 A däm Tag, so seit Jehova, wirdi da nid au d Wise i Edom uslösche und z Ungerscheidigsvermöge usem Bärgland Esau?

 9 Und dini Chrieger wärde erschrecke o Teman wöu im Bärgland Esus wü alle usgrottet wärde

10 Wäge dr Gwaut gäge dine Brueder Jakob wird Schand di bedecke u du wirsch für immer ungergah.

11 A däm Tag wo du tatelos dagstande bisch,
a däm Tag, wo Frömdi siis Heer i d Gfangeschaft gfüehrt hei,
wo Usländer dürs Tor inezoge si, und über  Jerusalem es Los gworfe hei,da hesch di verhalte wi eine vo dene.

12 Bisch nid schadefroh am Unglückstag vo dim Brueder, freu di nid wägem Vouch vo  Juda am Tag vo sim Untergang, nimm dis Mul nid so vou am Tag vo sirene Not.

13 Tritt nid is Tor vo mim Vouch i, a sim Unglückstag, freu di nid über sis Eländ a sim Unglückstag, vergriff di nid a sim Vermöge a sim Unglückstag.

14 Stah nid a dr Wägchrüzig um sini Fliehende niederzmetzle, liefere sini Überläbende nid us am Tag vor Not.

15 Denn dr Tag, a däm Jehova gäge alli Vöcher vorgeit, isch noh. Was du gmacht hesch, wird me o dir atou. So, wie du Anderi behandlet hesch, wird me o di behandle.

16 So we ihr uf mim heilige Bärg trunke heit, wärde aui Vöucher ständig mi Zorn trinke. Si wärde ne trinke, ne abestürze, und es wird si, aus hättse nie gäh.

17 Doch uf em Berg Zion wärde die si, wo chöi entcho, und är wird heilig si. Und s Huus Jakob wird in Bsitz näh, was ihm ghört.

18 S Huus Jakob wird zumene Füür, s Huus Joseph zunere Flamme und s Huus Esau wie Strou. Sie wärdes i Brand setze und  sverzehre, un keine vum Huus Esau wird überlebe, denn Jehova sälber het gseit.

19 Si wärde dr Negäb z Bsitz nä u ds Bärgland Esus, d Schephel u s Land vo dr Philischter. Si wärde sech ds Gebiet Ephraims u ds Gebiet Samarias aneignend u dr Benjamin wird Gilead in Bsitz näh.

20 Dene wo vo däm Schutzwall wäg verschleppt worde sy, em Vouch Israel, wird das Land vo de Kanaaniter bis uf Zarephath ghöre. Un die us Jerusalem Verschleppte, die i Sepharad si gsi, wärde d Schtädt vo Näbä bsitze.

21 Und Retter wärde ufe Bärg Zion ufezie, um über ds Berggland Esau Gricht z haute, u ds Chönigtum wird Jehova ghöre.