Sprüch 18 vo 31
- von rico loosli 6924 bioggio tessin
-
Zugriffe: 502
Sprüch 18 vo 31
18 Wer sech absonderet, verfolgt sini eigete selbstsüchtige Wünsch. Alli praktischi Wisheit lehrt er ab.
2 E dumme mönsch het kes interesse dra öppis z verstah. är zeigt lieber was i sim härz isch.
3 Chunnt e böse Mönsch, chunt ou Verachtig, u Unehr bringt Schand mit sech.
4 D Wort usem Muul sy wi tüüfs Wasser. D Quelle vor Wysheit isch e sprudländische Bach.
5 Parteiliechkeit zugunschte vomene Böse isch nid guet, o nid, emene Grächte s Rächt vorzenthalte.
6 Die Wort vom Dumme füehre z Striit u sys Muul rüeft nach Schläg.
7 Dr Muul vom dumme isch sis Verderbe u sini Lippe si e Schlinge für sis Läbe.
8 Die Wort vomene Verlümder sy wi Läckerbisse, me schlingt se i Mage abe.
9 Wär bi dr Arbet ful isch, isch e Brüeder desse wo zerstört.
10 Dr Name Jehovas isch e starche Turm. Dr Grecht lauft inä und wird beschützt.
11 Dr Richi haltet sis Vermöge für e befestigti Stadt. I sire Ybildig isches wi ne schützendi Mur.
12 Vor em Sturz isch s'Härz vomene Mönsch hochmüetig und dr Herrlichkeit geit Demut vorus.
13 We öper e Antwort git bevor er zueglost het isch das dumm u beschämend.
14 Dr Geist vomene Mönsch cha ihn während ere Chrankheit stütze, aber wär cha e nieder¬gschlagene Geist verträge?
15 Ds Härz vom Verständige eignet sech Erkenntnis a u ds Ohr vor Wise suecht nach Erkenntnis.
16 Es Gschänkli öffnet em Mönsch dr Wäg. es verschafft ihm Zugang zu wichtige Lüt.
17 Wer si Fau aus Erschte darleit schiint rächt z ha – bis dr anger chunt u d Sach hingerfragt.
18 S Werfe vo Losen macht Striitigkeite es Endi und entscheidet zwüsche starche Gegner.
19 E gchränkte Brüetsch isch unnachgiebiger als e befestigti Stadt und mängi Strytigkeite sy wi d Riegel vonere Feschtig.
20 Vom Ertrag vom Mund wird der Mage vomene Mönsch gfüllt, er wird gsättigt mit däm was sini Lippe fürebringe.
21 Tood u Läbe lige ir Macht dr Zunge u wers gärn bruucht wird ihri Frücht ässe.
22 Wär e gueti Ehefrau findet, het öppis guets gfunde und Jehova schänkt ihm sini Gunscht.
23 Der Arme mues flehlech bitte, doch der Riich antwortet barsch.
24 Möngi Fründe sy parat, sech gägesitig z schade, aber es git e fründ wo feschter zu eim hebt als e brüeder.