Sprüch 30 vo 31

Sprüch 30 vo 31

30 Di gwichtigi Botschaft vo de Wort Agurs, em Sohn vom Jake, won er a Ithiël richtet het, a Ithiël uchal.

 2 Ig bi unwissender aus jede angeri, mir fäut dr Verstand wo ä Mönsch sött ha.

 3 Ig ha mir ke Wisheit ageignet u d Erkenntnis vom Heiligschte bsitze ig nid.

 4 Wer isch zum Himmel ufe gstige u wider abecho? Wär het dr Wind i syne beide hole Händ gsammlet? Wär het d Wassermasse i sis Gwand gwicklet? Wer het alli Änd dr Erde feschtgsetzt? We isch si Name un dr Name vu sinem Bue, wenn dü`s weisch?

 5 Alles, was Gott seit isch glüteret. Er isch es Schild für die, wo bi ihm Zuefluecht sueche.

 6 Füge nüt zu sine Wort häre, süsch wird er di zrächtwiise und du steisch aus Lügner da.

 7 Zwöi Sache erbitte i vo dir, enthalte si mir nid vor, ehe i stärbe.

 8 entferni unwahrheit u lüge wit vo mir. gib mer weder armuet no riichtum. lah mi eifach nume min ateil an nahrig esse

 9 damit i nid satt wirde u di verlügne u sege: "Wer isch Jehova?" La o nid zue, das i verarme u stähle u dr Name vo mim Gott enttehre.

10 Mach ä Diener bi sim Herr nid schlächt, süsch verfluecht er di, und du stahsch schuldig da.

11 Es git e Generation wo dr Vater verfluecht und d Mueter nid sägnet.

12 Es git e Generation wo i ihrne eigete Ouge ine isch, wo aber nid vo ihrem Schmutz gsäuberet isch worde.

13 Es git e Generation wo Ouge so überheblich si, dere Ouge so arrogant abeluege!

14 Es git e Generation wo dene Zäh Schwerter und ihri Kiefer Schlachtmässer si. Si verschlinge d Schwache vor Erde und die Arme unter de Mensche.

15 D Bluetere hei zwöi Töchter, wo rüefe: "Gib her! Gib her!" Es git drei Sache, wo unersättlech sy, vier, wo nie "Gnue!" säge:

16 ds Grab und e unfruchtbare Muetterleib, es Land wo s a Wasser fählt, u Füür wo nie seit: "Genug!"

17 Das Oug, wo der Vater verspottet und der Muetter der Gehorsam verwigeret – d Rabe vom Tals wärde s uushacke und di junge Adler wärde s frässe.

18 Es git drei Sache wo mis Verständnis überstige, vier, woni nid verstah:

19 dr Wäg vomene Adler am Himmel, dr Wäg vonere Schlange uf em ne Felse, dr Wäg vomene Schiff uf em offnige Meer u dr Wäg vomene Maa mitere junge Frou.

20 Das isch der Wäg vonere Ehebrächerin: Si isst u wüsche sech ds Muul ab, de seit si: "I ha nüt vercherts ta.

21 Drü Sache bringe d Erde zum Zittere, vier Sache chame si nid erträge:

22 We a Sklave aus König regiert, we a Unvernünftige Nahrig im Überfluss het,

23 we e ghassti Frou ghüroted wird und we e Dienerin de Platz vo ihrem Herrin iimmt.

24 Vier Tier ghöre zu de chlinschte vo de Erde, doch si instinktiv wys:

25 D Ameise si kes starchs Volk, doch si sorge im Summer für ihri Nahrig.

26 D Klippdachse si nid mächtig, doch si boue ihres Huus i de Felse.

27 Di Heuschrecke hei ke Chönig, doch si rücke aui i Formation vor.

28 Dr Gecko haltet sech mit sine Füess fescht u kriecht i Palascht vomene König.

29 Drü hei e stattliche Gang,

 vier sy beeindruckend, we si schryte:

30 der Löwe, der Stärchscht unger de Tier wo vor niemerem zrüwicht,

31 der Windhund, der Ziegebock und e Chönig wo sis Heer bi sich het.

32 We di us unvernunft über angeri gsteut hesch oder dra dänkt hesch es ztue, de leg d hand ufs mul.

33 We me Miuch schloht chunnt Butter use we me uf d'Nase schloht chunnt Bluet use, und weme zorn schüürt chunnt striit use.