2. Moses 27 vo 40

2. Moses 27 vo 40

27 Der Altar soll aus Akazienholz baut werden: 5 Ellena lang und 5 Ellene breit. Er söll quadratisch sii und 3 Ellene ufe.

2 A sine vier Ecke sölle Hörner si wo en Teil mit ihm bilde. Überzieh dr Altar mit Chupfer.

3 Fertige Eimer zum Besitige vor Äsche a, usserdem Schuufle, Schale, Gable und Füürbehälter. Alles Zubehör soll us Chupfer sy.

4 Mach es Gitter für e Altar, es Gflächt us Chupfer. A sy vier Egge söue vier kupfere Ringe sy.

5 Es söu ungerhalb vor Leischte vom Altar platziert wärde, u ds Gflächt söu es Stück wiit i Autar innrage.

6 Mach Stange us Akazieholz für e Altar u überzieh se mit Chupfer.

7 Die Stange wärde dür d Ringe gsteckt, so dass si sech a de beide Site vom Altar befinge, wen er treit wird.

8 Dr Altar söll us Bretter aagfertiget wärde und inne hohl si. Är söll genauso bout wärde wies dr ufem Bärg zeigt worde isch.

9 D Stiftshütte söll en Vorhof übercho. Uf de Südsiite vom Vorhof sölled Vorhänge us feinem Leinezwirre hänke: 100 Ellen lang uf der einte Site.

10 Dert sölle 20 Süüle mit 20 kupfere Istecksockle stoh. D Hake a de Süüle und ihri Verbindigs-Elemänt si us Silber.

11 O d Vorhäng uf dr Nordsiite söue 100 Ellen lang si. Derzue ghöre 20 Süüle mit 20 kupfere Istecksockle sowie silberni Hake und Verbindigs¬lement für d Süüle.

12 A dr Weschtsiite söue über di ganz Breiti vom Vorhof vorhäng vo 50 Ellei längi si, usserdem 10 Süüle und 10 Istecksocku.

13 Uf der Oschtsiite – Richtig Sunneufgang – isch der Vorhof 50 Ellä breit.

14 Uf dr einte Site söue 15 Ellei Vorhäng abbracht wärde, ghaute vo 3 Süle uf 3 ihstecksockle.

15 Uf dr angere Site söue ebefaus 15 Ellei Vorhäng aabracht wärde, ghaute vo 3 Süle uf 3 ihstecksockle.

16 Am Iigang zum Vorhof söll e Abschirmig vo 20 Ellei Längi sy, gwäbt us blauem Fade, purroter Wulle, karmesinrotem Garn u feinem Leinezwirn, derzue 4 Süüle und 4 Istecksockel.

17 Alli Süüle rings um e Vorhof hei Befestigungselemänt und Hage us Silber, aber ihri Istecksockle sy us Chupfer.

18 Dr Vorhof söll 100 Ällä lang und 50 Ellä breit si. D Vorhäng usse umä si 5 Ällä hööch und us feinem Leinezwirn gwäbt. D Istecksockle sölled us Chupfer sii.

19 Alli Grät u Gägeständ vor Schtiftshütte, wo füre Dienscht dert bruucht wärde, söue us Chupfer bestöh, äbeso d Zältpflöck u aui Pflöck vom Vorhof.

20 Säg de Israelite, dass si dir reins Öl us zerstossene Olive für d Belegig sölle bringe, damit d Lampe ständig am Brönne ghaute wärde.

21 Aaron u sini Söhn wärde derfür sorge, das im Zäut vor em Vorhang, wo bi däm Zügnis isch, vom Obe bis zum Morge d Lampe vor Jehova brönne. Di Bestimmig gilt uf Duur, si söll i allne Generatione vo Israelite ighalte wärde.