2. Moses 30 vo 40
- von rico loosli 6924 bioggio tessin
-
Zugriffe: 587
2. Moses 30 vo 40
30 Baue e Altar us Akazienholz zum Verbrenne vo Rüücherwerk.
2 Er söll quadratisch sii, e Elle lang und e Elle breit, sowie 2 Elle ufe. Sini Hörner sölle en Teil mit ihm bilde.
3 Überzieh ne obe und a allne Siite mit reinem Gold – o d Hörner – u mach ringsum e goldige Randa.
4 Ungerhaute vom Rand bringsch uf zwöi gägenüber¬liegende Site je zwöi us Gold gfertigti Ring als Halterige für d Tragestange a.
5 D Stange söue us Akazienhouz si und mit Goud überzoge wärde.
6 Steu dr Autar vor de Vorhang bi dr Trueh mit de Gsetzestefle, vor de Deckel wo über em Zügnis ligt woni mi bi dir finde.
7 Aaron söu druf duftends Rüücherwärch verbrönne, wen er sech morn um d Lampe kümmeret.
8 O wen er ir Abigdämmerig d Lampe azündet, söu dr Aaron ds Rüücherwärch verbränne. Es söll i aune Generatione regelmässig vor Jehova gopferet wärde.
9 Ihr dürft ufem Altar weder unerlaubts Rüücherwerk no Brand- oder Getreideopfer darbringe und o ke Trankepfer druff uusgüsse.
10 Aaron söll emol im Jahr a de Hörner vom Altar Süne leischte. Är söll mit öppis Bluet vo däm Sühnesündopfer Sühn für ne leischte. Das söu einisch im Jahr i aune öie Generatione gschickt. Dr Altar isch für Jehova hochheilig."
11 Dänn het d Jehova zu Moses gseit:
12 "Wennde e Zählig vo de Söhn Israels vornimmsch, mues jede bir Zählig Jehova es Lösegäld für sis Läbe gäh. So wird si ke plagge träffe we ihri zahl registriert wird.
13 Jede wo registriert wird mues folgendi Abgabe entrichte: e halbe Schekel nach em Standardschekel vom Heiligtum. Ein Schekel isch 20 Gera. E halbe Schekel isch dr Biitrag für Jehova.
14 Jede wo 20 Jahr u älter isch u registriert wird, muess dr Biitrag für Jehova zahle.
15 Dr Riichä söu aus Sühnä für sis Läbä nid meh aus dr haubi Scheku aus Biitrag für Jehova gäh u dr Arm nid weniger.
16 Nimm das Silbergeud wo d Israelite aus Sühni zahle u verwänds füre Dienscht im Zäut vor Zämekunft. Es söll vor Jehova als Erinnerig a d Israelite diene, damit für eues Läbe Sühn gleischtet wird."
17 Wiiter het d Jehova zu Moses gseit:
18 "Mach es Chupferbeckli mit emene Gstell zum Wösche. Stell s de zwüsche ds Zält vor Zämekunft und dr Altar und fülle Wasser ine.
19 Aaron u sini Söhn söue sech dert d Händ u d Füess wäsche.
20 We si ids Zäut vor Zämäkunft gö oder sech am Autar nöcher, um ihre Dienscht z verrichte und für Jehova Opfer z verbrönne und in Rauch la ufgah, de söue si sech mit Wasser wäsche, damit si nid sterbe.
21 Si söue sech ihri Händ u Füess wäsche, das si nid schterbe. Die Vorschrift gilt uf Duur für si – für Aaron und sini Nachkomme i aune Generatione.
22 De het d Jehova zu Moses gseit:
23 "Als Nächschts nimmsch di userlässischte Duftstoff: 500 Einheite fescht gwordeni Myrhe, halb so vil wohlriechende Zimt – 250 Einheite –, denn 250 Einheite wohlriechende Kalmus,
24 500 Einheite Kassia, gmesse nach em Standardschekel vom Heiligtum, sowie e Hi Oliveöl.
25 Stell demit es heiligs Salböl här, e fachmännisch zuebereiteti Mischig. Es söll es heiligs Salböl sii.
26 Damit salbsch denn ds Zelt vo de Zämekunft, d Truhe mit de Gsetzstafle,
27 der Tisch u der Lüchter mit em jewilige Zuubhör, der Röcheraltar,
28 der Brandopferaltar mit de derzueghörige Gägeständ, sowie das Beck mit sym Gschtell.
29 Heiligi das Ding, das si hochheilig wärde.x Jede wo se berüehrt söu heilig si.
30 Ou Aaronz u sini Söhn söusch du Salbe u heilige das si für mi aus Prieschter diene.
31 Red mit de Israelite und teile ne mit: "Dis Öl söll i öie Generatione immer es heiligs Salböl für mi sy.
32 Es darf nid eifach uf de Körper irgend es Mönsch ufträge wärde und ihr dörft nüt angers i dere Zämesetzig hersteue. Es isch öppis Heiligs, u das sölls für euch o blibe.
33 Wer sones Öl zubereitet unds für öpper benutzt wo nid dazue berechtigt isch, mues us sim Volk entfernt wärde.
34 Witer het d Jehova zu Moses gseit: "Nimm folgendi Duftstoff zu glyche Teilen: Staktetropfe, Röicherchlaue, duftends Galbanum und reine Weihruuch.
35 Damit stellsch du Rüücherwerk her. Die Zuetate müesse fachmännisch vermischt und gsalze werde. Si söue dri u heilig si.
36 E Teil zerstörsch z fyn Pulver und legsch öppis drvo vor d Trueh mit de Gsetzstafle im Zäut vo de Zämekunft, won i mi bi dir finde. Es söll für euch öppis Hochheiligs sii.
37 Macht öich kes Rüücherwerk i derä Zämesetzig für dä Eigegebruuch. Betrachtets aus öppis wo für Jehova heilig isch.
38 Wär irgendöppis vo dr Art herstellt, um dr Duft z gnüsse, mues us sim Volk entfärnt wärde."