3. Moses 4 vo 27

3. Moses 4 vo 27

4 Jehova het witer zu Moses gseit:

2 "Teile der Israeliten mit: 'Falls öpper usversehe sündigt indäm er irgendöppis tuet wo Jehova verbote het, gilt Folgendes:

3 We dr gsalbti Priester sündigt u Schuld uf ds Volk ladet, de söu er Jehova für die Sünde, won er het begange, ä fählerlose junge Stier aus Sündopfer darbringe.

4 Er söll der Stier an Igang vom Zelt vor Zämmenkunft vor Jehova bringe und sini Hand ufe Gring vom Stier lege und er söll der Stier vor Jehova schlachte.

5 Denn söll de gsalbti Priester öpis vo dem Bluet vom Stier näh unds i ds Zelt vor Zämekunft bringe.

6 Der Priester söll sy Finger i ds Bluet tauche u öppis vo däm Bluet sibenmau vor Jehova vor der Vorhang vom heilige Ort sprütze.

7 Der Priester söll o öppis vo däm Bluet uf d Hörner vom Röcheraltar tue, wo vor Jehova im Zäut vor Zämekunft steit. Ds räschtleche Bluet vom Schtier söu är a d Socku vom Brandopferaltar am Iigang vom Zäut vor Zämmekunft ässe.

8 De söll är vo dem Sündopferstier alles Fett entferne, u zwar ds Fett wo d Iigweid bedeckt, u ds Fett wo um d Iigweid ume isch,

9 u die beide Niere mit em Fett dran, wo ir Lendegend isch. Är söu oh ds Fett ar Läber zäme mit de Niere entferne.

10 Es söu ds gliiche entfärnt wärde wie bimene Stier wo aus Gmeinschafts¬opfer darbracht wird, dr Priester söu aues uf em Brandopferaltar in Rauch la ufgaa.

11 D Hut vom Stier jedoch und sys ganze Fleisch mit em Chopf, de Ungerschänkle, de Iigweide und ihrem Inhalt

12 auso aues Übrige vo däm Stier – söll är usserhaub vom Lager a reine Ort la bringe, dahär wo me d Asche aneschüttet. Är sölls ufeme Houzfüür verbränne. Es söll da verbrännt wärde, wo me d Asche aneschüttet.

13 Agnoh, die ganz Gmeind Israel ladt dur e unabsichtlichi Sünde Schuld uf sich, aber es isch de Versammlig nid bewusst dass si öppis do het wo Jehova verbote het.

14 We d Sünde de bekannt wird, mues d Versammlig e junge Stier aus Sündopfer darbringe und ne vor s Zelt vo de Zemekunft füere.

15 Die Ältiste vo de Gmeind sölle vor Jehova ihri Händ uf e Chopf vom Stier legge und dr Stier söu vor Jehova gschlachtet wärde.

16 Denn söll de gsalbti Priester öppis vo dem Bluet vom Stier i ds Zäut vor Zämekunft bringe.

17 Dr Priester söll si Finger i ds Bluet tauche und öpis drvo siebemau vor Jehova vor dr Vorhang sprütze.

18 Är söu de öppis vo däm Bluet uf d Hörner vom Altar tue, wo im Zäut vor Jehova steit. Ds räschtleche Bluet söu är a dä Socku vom Brandopferaltar am Iigang vom Zält vor Zämmäkunft ässe.

19 Er söll das ganze Fett entferne unds uf em Altar i Rauch la ufga.

20 Mit em Stier söll genauso verfahre wärde wie mit em andere Sündopferstier. So söll ers mache. Dr Priester söll für si Sühni leiste und es wird ne vergeh wärde.

21 Er söu dr Stier vor ds Lager la usäbringe u ne verbränne, so wi er dr erscht Stier verbrännt het. Es isch es Sündopfer für d'Versammlig.

22 We ä Vorsteher unabsichtlech sündigt i däm er irgendöppis tuet wo Jehova, si Gott verbote het u sech so schuldig macht

23 oder wenn er sech eine Sünde bewusst wird, dür die er gäg es Gebot verstosse het, de söu er aus Opfergab ä fählerlose junge Giegebock bringe.

24 Är söll sini Hand ufe Chopf vom junge Bock lege und ihn am Ort schlachte, wo me ds Brandopfer vor Jehova schlachtet. Es isch e Sündopfer.

25 Der Priester söll mit sym Finger öppis vo däm Bluet vom Sündepfer näh u es uf d Hörner vom Brandopferaltar tue. Ds räschtleche Bluet söu är a Socku vom Brandopferaltar güsse.

26 Das ganze Fett söll är wie ds Fett vom Gmeinschaft¬opfer ufm Altar in Rauch la ufgaa. Der Priester soll für nen Sühn leischte für sini Sinde und es wird ihm vergäh wärde.

27 We öper vom Volk vom Land unabsichtlech sündigt und sech schuldig macht indem er öppis tuet wo Jehova verbote het,

28 oder wen er sech eine Sünde bewusst wird, won er begange het, de söu er aus Opfergab für sini Sünde es fählerloses jungs Gielewybli bringe.

29 Är söll sini Hand ufe Gring vom Sündepfer lege unds an däm gliiche Ort schlachte wi dä Brandopfer.

30 Der Priester söll mit sym Finger öppis vo däm Bluet näh und s uf d Hörner vom Brandopferaltar tue. Ds räschtliche Bluet söll er a dä Socku vom Altar güsse.

31 Er söll aues Fett entferne, so wie ds Fett vom Gmeindsopfer entfernt wird, u dr Priester söu s uf em Altar i Rauch la ufga für Jehova z erzüge. Dr Priester söll für ihn Sühni leischte und es wird ihm vergäh wärde.

32 Bringt er aber es Lamm aus Sündopfer, sölls es fählerloses wiblichs Tier sy.

33 Er söll sini Hand ufe Chopf vom Sündopf lege und s als Sündopfer a dem Ort schlachte wo ds Brandopfer gschlachtet wird.

34 Der Priester söll mit sym Finger öppis vom Bluet vom Sündopf näh u es uf d Hörner vom Brandopferaltar tue. Ds räschtleche Bluet söu är a Socku vom Altar güsse.

35 Er söll aues Fett entferne, genauso wie ds Fett vom junge Schafbock bim Gmeinschafts¬opfer entfernt wird, u dr Priester söu s ufm Altar ufe Füüropfere Jehovas i Rauch la ufga. Dr Priester soll fir nen Sühn leischte fir de Sinde, de er begange het, un s wird nem vugäbe wäre.