4. Moses 30 vo 36

4. Moses 30 vo 36

30 Denn het Moses zu de Stammsoberhäupter vo Israel gseit: "Jehova het folgendi Awisig gä:

2 Falls e Maa vor Jehova e Gelübde ableit oder schwört, sich e Enthaltigsgelübde ufzlege, dörf er sis Wort nid bräche. Er söll alles mache woner versproche het.

3 Und falls e jungi Frou wo no im Huus vo ihrem Vater läbt, vor Jehova es Gelübde ableit oder sech es Enthaltigsgelübde uferleit

4 u ihr Vater ihres Gelübde oder ds Enthaltigsglübde wo si sech het uferleit, ghört u nüt dergäge iwändet, de gälte aui ihri Gelübde und Enthaltigsgelübde.

5 Doch we ihre Vater vo ihrne Gelübde oder Enthaltigsgelübde erfahrt u si ihres verbietet, de gälte si nid. Jehova wird ihre vergäh, wüu ihre Vater's verbote het.

6 Wenn si jedoch, während si anes Gelübde oder es übereilts Verspräche bunde isch, hüroted

7 u ihre Maa devo hört u a däm Tag nüt drgäge iwändet, de söue ihri Gelübde oder Enthaltigsgelübde gälte.

8 Faus der Maa s ihre aber a däm Tag won er dervo ghört verbietet, hebt er ihres Gelübde oder ihres übereilte Verspräche uf, und Jehova wird ihre vergä.

9 legt jedoch e Witwe oder e Gschideni es Gelübde ab, isch si a aues bunde wo si sech uferleit het.

10 Falls sech e Frou z Gelübde oder ds Enthaltigsgelübde im Huus vo ihrem Ehemann uferleit het

11i und ihre Maa es het ghört u nüt dergäge gha het u ke Iwand vorbracht het, de söue aui ihri Gelübde oder Enthaltigsgelübde gälte.

12 Faus ihre Maa jedoch d Gelübde oder Enthaltigsgelübde, wo se abgleit het, a däm Tag woner devo ghört, vollschtändig ufhebt, gälte si nümme. Ire Maa het se ufghobe u Jehova wird ihre vergäh.

13 Jedes Gelübde oder jede Eid wo si globt uf öppis z verzichte, söll vo ihrem Maa bestätigt oder ufghobe werde.

14 We dr Maa aber im Louf vor fougende Täg überhoupt nüt iwändet, bestätigt är aui ihri Gelübde oder Enthaltigsgelübde. Är bestätigt se wiler a däm Tag woner ghört het, dass si die abgleit het ke Iwand vorbracht.

15 Hebt er d'Gelübde aber speter uf, also einigi Zyt nach em Tag wo er dervo ghört het, mues er d'Folge vor Schuld vo syre Frou träge.

16 Das sy d Vorschrifte, wo Jehova Moses het gä, z Bezug uf e Maa u sini Frou oder e Vater u syni jung Tochter, wo no i sym Huus läbt."