Hiob 24 vo 42 l1
- von rico loosli 6924 bioggio tessin
-
Zugriffe: 586
Hiob 24 vo 42
24 Werum leit der Allmächtig keni Ziit fescht?
Warum gsend die, wo ne kenne, si Tag nid?
2 Mönsche versetze Gränzmarkierige.
Si raube Herde für ihri eigeti Weid.
3 Si vertrybe der Esel vaterloser Ching
u näme dr witwe dr stier wäg aus sicherheit fürne kredit.
4 Si verjaged d Arme vo dr Stross.
D Hilflose vo dr Erde müesse sech vor ihne verstecke.
5 Di Arme si uf Nahrigssuechi wi Wildesu ir Wildnis.
Ir wüesti sueche si für ihri ching nach öppis ässbarem.
6 Si müesse uf em Fäud vomne angere ernte
u im Wigarte vom schlechte Mönsche Nachläse haute.
7 Nackt vrbringe si d Nacht, ohni Chleider.
Si hei nüt zum sech zum Schutz vor dr Chälti zuezdecke.
8 Der Räge vo de Bärge tuet se dürre.
Da si kei Unterschlupf hei, drucke si sech a d'Felse.
9 Das Vaterlose Chind wird vom Brust wäggrisse,
un d Kleider vum Arme wäre als Sicherheit fir ä Kredit gnumme,
10 sodass si zwunge si nackt umezlaufe ohni chleidig,
u hungerend d Garbe müesse trage.
11 Zwüsche de Terassemuure müeh si sech ab ir Hitz vom Tag.
Si träte d Wykelter u blibe trotzdäm durschtig.
12 Unufhörlech stöhn d Sterbände ir Stadt.
Di tödlech Verwundete schreie um Hilf,
doch Gott gseht dra nüüt schlimms.
13 Es git Mönsche wo sech gäg ds Liecht uflehne.
Si erkenne nid däm si Wäg
und folge nid däm Pfadä.
14 Bi Tagesanbruch steit dr Mörder uf.
Är tötet dr Hilflose und dä Arme
u nachts begaht är Diebstau.
15 Ds Aug vom Ehebrächer wartet uf d'Dämmerig.
Är seit: 'Keine wird mi säh!',
un verhüllt sys Gsicht.
16 Im Dunkle breche si i d Hüser ii.
Tagsüber schliesse si sech ii.
Ds Liecht isch ne frömd.
17 Wüu dr Morge isch für si z'gliiche wi tüüfi Dunkuheit.
Di Schreckä tüüfer Dunkelheit si vertrout.
18 Doch schnäu wärde si vo de Fluete fortgschwemmt.
Ihres Stück Land wird verfluecht sii.
Si wärde nid zu ihrne Wigärte zrüggchehre.
19 Wi Dürre u Hitz dr schmelzend Schnee la verschwinde,
so lässt das Grab die verschwinde, wo gsündet hei!
20 Sini Muetter wird ne vergässe – d Made wird ne schmecke la.
Me wird nie me a ne dänke.
Un d Ungrechtigkeit wird umgschtosse wäre we ne Baum.
21 Er macht Jagd uf d Unfruchtbari
u behandlet d witwe schlecht.
22 Gott wird de Starche dür sini Chraft es Ändi mache.
Säubscht wenn si sötte ufstoh, isch ne ihres Läbe nid sicher.
23 Gott laht se zueversichtlich und i Sicherheit si,
aber sini Ouge beobachte alles, was si tüe.
24 Si schüsse für churzi Zyt id Höchi, de sy si nümme da
Si wärde umgeknickt u igsammlet wi jede anger o.
Wi Ähre wärde si abgschnitte.
25 Wär cha mi jitz aus Lügner häresteue
oder mini wort widerlege?"