Hiob 9 vo 42
- von rico loosli 6924 bioggio tessin
-
Zugriffe: 560
Hiob 9 vo 42
9 Hiob erwideret:
2 "Ja, i weis das es so isch.
Aber wie cha dr stärblich Mönsch i eim Prozess mit Gott im Rächt si?
3 Ha öpper mit ihm wele striite,
chönnt är nid mau uf eini vo 1000 vo sine Frage antworte.
4 Är het es wises Härz u grossi Macht
Wär cha sech gäg ihn steue u ungschore dervo cho?
5 Er versetzt Berge ohni das es öpper weiss.
I sym Zorn stürzt är se um.
6 Är rüttlet d Ärde vor Stell,
sodass ihri Süüle zittere.
7 Är befiehlt der Sunne, nid z schiine,
u rieglet ds Liecht dr Stärne ab.
8 Är spennt ganz elei dr Himmel us
un schribt iba di hoche Woga vum Meer.
9 Er het d Stärnbiuder Ascha gmacht, dr Kesil u Kima
u d Stärnbiuder vom Südhimmu.
10 Är tuet Grosses und Unerforschlichs,
wunderbari Sache wo nid z'älle si.
11er goht a mir vorbi u ig cha ne nid gseh.
Er zieht a mir verbi, aber i bemerkes nid.
12 Wener nach öppis griift, wär cha ne dran hinderle?
Wär cha zu ihm säge: "Was machsch du da?"
13 Gott wird si Zorn nid ungerdrücke.
Sälbscht Rahabsan Hälfer wärde sech vor ihm verbüge.
14 Wi viu meh muesi denn mis Wort sorgfältig wähle,
weni argument vorbringe um ihm z antworte!
15 Säuber wenn ig im Rächt wär würdi ihm nid antworte.
Chönnt min Richter nume um Gnade aflege.
16 Weni lüt lüte wird er mir antworte?
I gloub nid, dass er mir Ghör schänke wird,
17 dänn er walzt mi nie imne Sturm
u füegt mir ohni grund geng meh Wunde zue.
18 Er lad mi nid Luft hole.
Immer witer füllt er mi mit Bitterheit.
19 Wes uf Macht achunnt ischer dr Stärcher.
Geits um Gerechtigkeit, so seit er: 'Wer cha mi zur Verantwortig zieh?'
20 Wär ig im Recht würd mi mis eigete Muu verurteile.
Säubscht wenn ig unschuldig bi, wird Gott mi schuldig rede.
21 Säubst we ig unschuldig bi, zwifle ig a mir.
Das Läbe isch mer zwider.
22 Es isch doch alles glich. Drum sägi:
"Er vernichtet di Unschuldige äbe so wi d Böse."
23 Sött e sturzfluet plötzlech der Tod bringe,
würd är über d verzwiiflig vo de unschuldige spotte.
24 D Erde isch de Böse übergäh worde.
Der Richter der Erde verbindet er d Auge.
Wen nid er, wär de?
25 Mini Täg sy schneller aus e Löifer.
Si renne dervo ohni guets z gseh.
26 Si gleite verbii wi Schilfböötli,
stürze herab wie adler uf ihri büüti.
27 Würd i säge: 'Ich wird mini Klag vergässe,
mi Gsichtsusdruck verändere u fröhlech sy',
28 wäri dennoch wiiter z angst wäg all miner schmerze,
und i weiss du würsch mi nid für unschuldig halte.
29i würd schuldig gsproche wärde.
Warum sött ig mi auso umsüsch abmühe?
30 Würdi mi mit schmelzendem schnee wäsche
u mini Händ i Loug reinige,
31 de würdsch mi i ne grube touche,
sodass sech säuber mini eigete Chleider vor mir würded erkläre.
32 Är isch nun mau ke mönsch wie ig dasi ihm würd antworte,
dass mir gmeinsam chönd vor gricht gah.
33 Da isch niemer zum zwüsche üs z schlichte,
niemert wo üses richter chönnt si.
34 Würd er ufhöre mi z schlah
und mir nid angst mache mit sine schrecke,
35i de würdi ohni furcht mit ihm rede,
denn es isch nid mini art us angst use z rede.