Jesaia 17 vo 66
- von rico loosli 6924 bioggio tessin
-
Zugriffe: 416
Jesaia 17 vo 66
17 Eis Usspruch gege Damaskus:
"Gseht! Damaskus wird ufhöre e Stadt z si,
es wird zumene Trümmerhuufe.
2 D Städt vom Aroër wärde verloh.
Sie wäre zue Orte, an däne Herde lagere,
ohni das öpper ne angst macht.
3 Befeschtigti Städt wärde us Ephraim verschwindend
u ds Königtum us Damaskus.
U de vo Syrie Übrigbliebene wird's erga
we dr Herrlichkeit dr Israelite", erklärt Jehova, dr Herr dr Heere.
4 "Ah däm Tag wird d Herrlichkeit Jakobs schwinde
u si gsunde Körper wird abmagere.
5 Es wird sy wie we dr Erntearbeiter ds schtehende Getreide bündelet
un si Arm d Ähre erntet,
wi we öpper im Tal Rephaïm Getreide ufsammlet.
6 Nume e Nachläse wird übrig bliebe,
wi bim Abchlopfe vomne Olivebaum:
Nume zwöi oder drei rife Olive blibe am höchschte Ascht hänge,
nume vier oder füf a si fruchttragende Äscht", erklärt d Jehova, dr Gott Israels.
7 A däm Tag wird der Mönsch zu däm ufluege wo ne gmacht het, u sini Ouge wärde sich uf de Heilige Israels richte.
8 Är wird nid zu de Autär ga luege, däm Wärch vo sinere Händ. U er wird dr Blick nid uf das richte, wo sini Finger gmacht hei – weder uf die heilige Pfähl no uf d Rüücherständer.
9 A däm Tag wärde sini Feschtigsstädt wi ne verlassene Ort im Wald wärde,
we ne zweig wo vor d Israelite zrügglo isch worde.
Was bliibt, isch e Iidöde.
10 Wüu du hesch de gott vo dire Rettig vergässe.
A de fels vo dinere Feschtig hesch nid denkt.
Drum legsch schöni Pflanzige aa
mit em Setzling vomene Frömde.
11 Am Tag umzaunsch sorgfältig dini Pflanzig,
am morge losch dini saat sprütze,
doch d Ernte wird verschwinde am Tag vor Chrankheit u vom unheilbare Schmärz.
12 Hört! E Tumult vilne Völker,
si si ufgwühlt wi d Meer!
Der Ufruhr vo der Natione
tönt wi ds bruuse gwaltige Wasserermasse!
13 D Völker wärde lärme wie tobendi Wassermasse.
Är wird es Machtwort rede, u si wärde wit wäg flüge,
verjagt wi d Spreu vor Bärge im Wind,
wi ne umewirblendi Distel im Sturm.
14 Abig herrscht Schrecke.
Ehe's Morge wird, sy si nümm da.
Das fallt dene zue, wo üs usraubed,
es isch ds Los vo dene wo üs usplünderet.