Micha 7 vo 7
- von rico loosli 6924 bioggio tessin
-
Zugriffe: 511
Micha 7 vo 7
7 Wehe mir! I bi wie öpper wo nachem isammle vo de summerfrücht u dr nachläse, wo uf d'truubernte folgt, keni wiitrube findet u o ke früeche nach dere ig mi sehne.
2 Der Loyal ist vor Erde verschwunde. Niemer unger de Mönsch isch ufrichtig. Si alli ligge uf dr Lauer um Bluet zvergüsse. Jede macht mit em ne Schleppnetz Jagd uf si eiget Brüeder.
3 Ihri Händ sy Meischter im Schlächts tue. Der Fürscht schtellt Forderige, der Richter verlangt Belohnig, der Agsehene üsseret sy Wünsch u gmeinsam schmide si iri Plän.
4 Der bescht vo ihne isch wie Dornestrüpp, dr Ufrichtigschte unger ihne schlimmer aus ä Dornhecki. Dä Tag wo dini Wächter aakündet hei, dr Tag vo diner Abrächnig, wird cho. Itz wird me z Panik grate.
5 Vertraue nid dim Gfährte, verlah di nid uf enge Fründ. Pass uf was du der seisch, wo du umarmsch.
6 Denn ä Sohn vuachtet sy Vater, ä Dochta erhebt sich gäge ihri Muetter un e Schwiegertochter isch gäge ihri Schwiegermuetter. E Mensch het sini Feind im eigene Huus.
7 Ig aber, i wirde nach Jehova Usschou halte. Uf de Gott, wo mini Rettig chunnt, wird i geduldig warte.am Mein Gott wird mich höre.
8 Seg nid schadefroh, mini Feindin. Zwar bini gfalle, aber stahne wider uf. Zwar läbi im Fenster, aber Jehova wird mis Liecht si.
9 Da i gäge Jehova gsündet ha, wird i si Zorn erträge bis er mi Rächtsfau füert u mir zu mim Rächt verhilft. Är wird mi ans Liecht füehre, i wirde sini Grechtigkeit gseh.
10 Au mini Feindin wird's gsee u Schand wird se bedecke, wo zue ma gsait het: Wo isch di Gott Jehova? Mini Auge werde sich uf si richte. Itz wird se wi Strosseschlamm zerträtte.
11 Es wird e Tag si wo me dini Steinmuure baut. A jedem Tag wird d Grenze erwiiteret.
12 A däm Tag wird me zu dir cho, dr ganz Wäg us Assyrie u de Städt Ägypte, vo Ägypte dr ganz Wäg bis zum Euphrat, vo Meer zu Meer u vo Bärg zu Bärg.
13 Und das Land wird zunere Einöde wärde wäg sinere Bewohner, als Folg vo ihrne Tate.
14 Hütt di Volk mit dim Stab, d Härde, wo di Erbe isch, wo allei im Wald glebt het, zmitzt imene Obstgarte. Lö si im Baschan u Gilead wydens wi in alte Zyte.
15 Wi i de Tag vo dim Uszug us Ägypte werdi em Volk Wunderbars zeige.
16 Völker wärdeds gseh u sech schäme trotz all ihrer Macht. Si wärde d Hand ufs Muul legge u ihri Ohre wärde taub wärde.
17 Si wärde Staub läcke wi Schlange. Wi d Reptilie vo de Erde wärde si zitternd us ihrne Feschtige cho.
Volli Angscht wäre sie zu üsem Gott Jehova kumme un sie wäre sich vor dir firchte.
18 Wer isch e Gott wie Du, der Vergehe verzeiht und d Überträtig vom Überräscht vo sim Erb übergaht? Er wird nid für immer a sim Zorn festhalte, denn er findet Gfalle a loyaler Liebi.
19 Er wird wieder barmherzig mit üs si, er wird üsi Vergehe bezwinge. Du wirsch alli ihri Sünde i d Tüüf vom Meer rüere.
20 Du wirsch Jakob Treue zeige u Abraham loyali Liebi wi dus üse Vorfahre i ferner Vergangeheit gschwore hesch.