Ruth 3 vo 4

Ruth 3 vo 4

3 Ihri Schwiegermuetter Noomi het nun zu ihre gseit: "Mini Tochter, sölli nid es Diheime für dich sueche dass es dir guet goht?

2 Du bisch doch mit de Arbeiterinne vo Boas zäme gsi. Er isch euse Verwandter. Hüt abig gschaffet er Gerste uf em Dreschplatz.

3 Wösch di, rib di mit duftendem öl i, zieh dini beschte chleider a u gang zum dreschplatz. De Maa darf di nid bemerke bis er mit ässe und zTrinke fertig isch.

4 Merk dr die stell wo är sech hiileit. De gang, deck sini füess uf u leg di o hi. Er wird dir säge was du sötsch mache."

5 Druf het d Ruth gantwortet: "I mache aues eso wi du's mir seisch."

6 Si isch auso zum Dreschplatz gange u het gmacht was ihre Schwigermuetter ihre gseit het.

7 Inzwüsche asse un trunke Boas un isch in gueter Schtimmig gsi. Dnohch legt er sich näbe d Getreidehuufe. Dr Ruth schlicht zue nem, het sini Fess ufdeckt u het sich o leit.

8 Für Mitternacht het er aagfange zittere. Är het sech vor und het ä Frou bi sine Füess gseh liege.

9 "Wer bisch du?" het er gfrogt. Sie het antwortet: "Min Herr, i bi Ruth. Breite doch di Gwand über mi us, denn bisch e Rückchäufer.

10 Druf het er gseit: "Jehova sign di, mini Tochter. Itz zeigt sech dini loyali Liebi no meh als vorher, denn du hesch di nid nacheme junge Ma, ob arm oder riich, umgseh.

11 Ha ke angst, mini tochter. i wirde aues mache für was de bitte hesch, wüu jede i de stadt weiss das e bemerkenswerti frau bisch.

12 I bi e Rückchäufer das stimmt, aber es git no en andere Rückchäufer wo nöcher verwandt isch als ich.

13 Blib d Nacht über hie, u wener di morn morge zrüchouft guet! La di vo ihm la zrüggchoufe. Aber wenn er ned wott, chauf ich di zru, so wahr Jehova läbt. Blib bis zum Morge hie lie."

14 Auso isch si bis zum Morge bi sine Füess liege blibe. No bevors hell isch worde u me öpper het chönne erkenne, isch si ufgstande. Är het gseit: "Niemer söu erfahre, dass e Frou ufem Dreschplatz isch gsy."

15 Denn het er se uf gforderet: "Nimm di Mantel u heb ne uf." Er het 6 Mass Gerschte i usbreitet Mantel gschüttet u het se mitgäh. Nacher isch er i d Schtadt gange.

16 Sie het zu ihrer Schwiegermuetter zrügg kehrt. "Wie ischs der gange, mini Tochter?", het die wölle wüsse. Sie het ihre verzellt, was de Maa alles für sie do het.

17 Usserdäm het sie brichtet: "Er het mir di 6 Mass Gerschte gäh u zu mir gseit: 'Gang nid mit leere Händ zu dinere Schwiegermuetter'

18 Druf het dr Noomi gseit: "Mini Tochter, blyb hie, bis weisch, wie die Sach usgeit. Der Maa wird alles tue um d Aglägeheit hüt no z regle."