1 Chünige 10 vo 22

1 Chünige 10 vo 22

10 Wo d Königin vo Scheba dr Bricht über Salomos Ruhm in Verbindig mit em Name Jehovas ghört het, isch si cho um ne mit komplizierte Frage uf d Prob z stelle.

2 Si het mit sehr iidrucksvollem Gfolg in Jerusalem iigroffe. Ihri Kamel sy mit Balsamöl un ere grosse Mengi Gold un Edelstei belade gsii. Sie isch uf Salomo ine gange u het mit ihm über alles gredt, wo sie het welle wüsse.

3 Salomo het dr jedi Frag beantwortet. Nüt isch füre König z schwierig gsi, är het dir aues chönne erkläre.

4 Wo d Königin vo Scheba het erkennt, wiissi Salomo isch gsi u wo si s Huus het gseh wo är bout het,

5 das ässe, wo uf e Tisch isch cho, d Sitzordnig vo sine Beamte, d Bedienig bi Tisch u d Chleidig vo sire Servierer, syni Mundscheke sowie d Brandopfer, won er regelmässig im Huus Jehovas opferet het, da het s ihre de Atem verschluckt.

6 Si het zum König gseit "Was i i mim Land über dini Errungeschafte u dini Wisheit ha ghört isch wohr.

7 Aber i has nid gloubt bisis mit eigete ouge ha gseh. U derbi het mr no nid mau d Heufti verzeut. Dini Wisheit u dis Wohlstand hei aues wo mir brichtet worde isch bi witem übertroffe.

8 Dini Männer und dini Diener wo immer bi dir si chöi sech würklech fröie, dass si dini Wisheit ghöre.

9 Jehova, di Gott, söll priese si! Er het Fröid a dir u het di uf de Thron Israels gsetzt. Wöu Jehova Israel für immer liebt, het är di aus König igsetzt, damit du für Rächt und Grechtigkeit sorgsch."

10 Si het em König de 120 Talänt Gold u e grossi Mängi Balsamöl u Edelstein gä. Nie isch so vil Balsamöl is Land bbracht worde, wies dr König Salomo vor Königin vo Scheba het übercho.

11 Hirams Flotte wo Gold us Ophir het transportiert, het vo dert o sehr viu Alguminstämm und kostbari Stei mitbracht.

12 Dr König het us de Alguminstämm Schtütze für ds Huus Jehovas u für ä Palast vom König gmacht, usserdäm Harfe u Saiteninstrument für d Sänger. Settigi Alguminstäm het bis hüt niemer meh glieferet oder gseh.

13 König Salomo het dr Königin vom Scheba alles gäh, wo si sech wünscht u warum si baat – zuesätzlech zu däm, wo er ihre vo sech us scho grosszügig het gä. Nachher het si sech zäme mit ihrne Diener uf e Wäg zrü i ihres Land gmacht.

14 Pro Jahr si Salomo 666 Talänt Gold glieferet worde.

15 Derzue isch no cho, was vo de Chouflüt ygange isch, sowie d Ygünft vo de Händler, de Könige vo de Araber u de Statthaltere vom Land.

16 König Salomo het 200 Grossschilde us legiertem Gold gmacht (jede Schild isch mit 600 Schekel Gold überzoge worde)s

17 u 300 Chlischilde us legierte Gold (jede Schild isch mit 3 Min Gold überzoge worde). Denn het si im Libanonwaldhuus bracht.t

18 Usserdäm het dr König e grosse Thron us Elfebei gmacht, won är mit glütertem Gold überzoge het.

19 Zum Thron hei sächs Stufe ueber em Thron isch ä rundi Überdachig gsi. Dä Thron het uf beidne Site e Armlehn gha und näb jeder Armlehn isch e Löiefigur gstande.

20 Uf de sächs Stufe sy zwöi Löie gschtange, a jedere Site vo de Stufe eine. So öppis hets i kem angere Königrich gä.

21 Alli Trinkgfäss vom König Salomo si us Gold gsi und alli Gägeständ im Libanonwaldhus si us reinem Gold gsi. Nüt isch us Silber gsi, denn Silber het zur Ziit Salomos als wärtlos.

22 Dr König het nämlech e Flotte vo Tarschisch-Schiff gha, wo zäme mit dr Flotte vom Hiram uf See gsi isch. Alli drei Jahr si di Tarschisch-Schiff mit Gold, Silber, Elfebei, Affe u Pföue lade zrügg cho.

23 König Salomo isch richer gsy u wyser aus alli andere Könige vo dr Erde.

24 Us dr ganze Wäut si Mönsche cho u hei es Audienz bi Salomo wöue zum ghöre, wieviu Wisheit Gott ihm is Härz gleit het.

25 Jede het es Gschänkli mit brocht: Gegeständ us Silber und Gold, Chleidig, Waffe, Balsamöl, Pferde und Maultier. Das isch Jahr für Jahr eso gange.

26 Salomo het sech immer meh Wage u Ross aschafft. Er het 1400 Wäge und 12'000 Ross gha, won är i de Wagestädt und i sinere Nöchi z Jerusalem stationiert het.

27 Wo är König isch gsi, hets ds Jerusalem so viu Silber gä wi Steine u so viu Zederholz wie Mulbeerfeige¬bäume ir Schephela.

28 Salomos Ross sy us Ägypte importiert worde. Di königliche Chouflüt hei d Ross herdewis für ne bestimmte Priis.h 29 E Wage us Ägypte het 600 und es Ross 150 Silberstück kostet. Si si denn a d König vo de Hethiter und d Könige vo Syrie witerverchouft worde.