1 Chünige 9 vo 22

1 Chünige 9 vo 22

9 Als Salomo mit em Bau vom Huus Jehovas, em Palascht vom König u allem, was er het welle mache, fertig isch gsi,

2 het ihm Jehova es zwöits mau erschiene, so wien er ihm z Gibeon isch erschiene gsi.

3 Jehova het zue nem gsait: "Ich ha dis Gebet un dini Bitte um Gunscht, wo du vor mir güsseret hesch, ghört. I ha das Huus, wo du mir bout hesch, gheiligt, indäm i mi Name duurhaft drmit verbunde ha, u i wirde mit mine Ouge u mim Härz geng dert sy.

4 U was di aagaht: We du dy Wäg vor mir geisch wi dy Vater David – vo ganzem Härze tröu u ufrichtig – we du aui myne Gebot hebsch u di nach myne Vorschrifte u Urteilssprüch richtisch,

5i denn wirdi derfür sorge, dass dr Thron wo als König vo Israel hocksch, für immer bestoh blibt. So han i's dim Vater David versproche wo i zue ihm gseit ha: 'Es wird immer eine vo dine Nachkomme uf em Thron Israels hocke.'

6 Aba wenn ihr äich vu ma abwändet, dü un dini Sehne, un mini Beschtimmige un Gebote, de i äich ge ha, nit halte un ihr wägä un andere Götta dient un äich vor rene vubiege,

7 denn wirdi d Israelite vor Oberflächi vom Land woni ihne gä ha entferne. I wirde das Huus won i zur Ehre vo mim Name gheiligt ha, kes Blick meh würdige, u Israel wird vo allne Völker verachtet u verspottet wärde.

8 Das Huus wird es Trümmerhuufe wärde. Jede wo dra verbii gaht wird entsetzt ane pfiife und frage: 'Warum het d Jehova dem Land und däm Huus das aatah?‘

9 Me wird denn antworte: 'Sie hei ihre Gott Jehova, wo ihri Vorfahre us Ägypte usegfüehrt het, verloh und sech a anderi Götter klammere, sech vor ihne verbügt und ihne dient. Drum het Jehova das ganze Unglück über sie bracht.'"

10 Am Ändi vo dr 20 Jahr, wo die beide Bauwärch – ds Huus Jehovas u dr Palascht vom König – errichtet het,

11 het König Salomo Hiramt 20 Städt im Land Galiläa gäh. (Hiram, dr König vom Tyrus, het a Salomo Zederna- u Wacholderstämme gha und so vil Gold glieferet, wie der Salomo het wölle.)

12 Da isch dr Hiram us Tyrus cho zum sich d Schtädt aluege, wo ihm Salomo gä het, aber er isch mit nene nid zfride gsi.

13 Er het gseit: "Was hesch du mir da für Städt gä, min Brüeder?" Drum wird das Gebiet bis hüt Land Kabula gnännt.

14 Hiram het em König 120 Talänt Gold gschickt.

15 Es folgt dr Bricht über d Lüt, wo dr König Salomo zur Zwangsarbeit iizoge, um ds Huus Jehovas, sy eiget Palascht, dr Wall, d Mauer vo Jerusalem sowie Hazor, Megiddo und Geser z boue.

16 (Der Pharao, der König vo Ägypte isch khoo und het Gseer iignoo. Er het's niederbrennt und d Kanaaniter, wo dert gwohnt hend, umbrocht. Denn het er d Schtadt vo sinere Tochter geh, d Frau Salomos, als Abschiedsgschänka.)

17 Salomo het Geser, Unter-Beth-Horon baut.

18 Baalath, Tamar ir Wildnis, innerhalb vom Land

19 aui Vorratsstädt Salomos u d Städt für sini Waage u für sini Riter. Er het o syni andere Bauvorhabe z Jerusalem gführt, im Libanon u i sym gsamte Herrschafts-gebiet us.

20 Vo de Amoriter, de Hethiter, de Perisiter, de Hiwiter und de Jubusiter si no einigi übrig bliebe gsi. Si hei nid zum Volk Israel ghört.

21 Si hei gstammt vo dene ab, wo vo de Israelite nid restlos hei chönne vernichtet wärde, u hei no im Land glebt. Dr Salomo het si zur Zwangsarbeit aus Sklaven verpflichtet, was si bis hüt si.

22 Israelite het Salomo aber nid z Sklaven gmacht. Si sin sini Soldate, Diener, füerende Männer, Adjutante sowie d Oberste vo sinere Wagelenker un Riter.

23 Es het 550 Oberste vo de Bevollmächtigte gäh, wo d Arbeite wo de Salomo het lo verrichte, beufsichtigt hei. Si si d Vorarbeiter vo de Lüt gsi, wo d Büezer usfüehrt hei.

24 D Tochter vom Pharao het us dr Stadt David in ihrem eigete Huus zoge, wo Salomo für si bout het. Nochane het er dr Walla errichtet.

25 Dreimau im Jahr opferet Salomo uf em Altar, won er für Jehova bout het, Brandopfer und Gmeinschafts¬opfer, sodass vom Altar vor Jehova Opferruuch ufstieg. So het är ds Huus fertig gstellt.

26 König Salomo het o e Schiffsflotte z Ezjon-Gäber bi Eloth ar Chüschte vom Rote Meer im Land Edom boue.

27 Hiram het sini eigene Manne mit der Schiffsflotte gschickt, erfahreni Seelütt wo mit Salomos Männer söttet zämme diene.

28 Si si uf Ophirv gfahre und hei König Salomo vo dert 420 Talänte Gold bracht.