1. Johannes der Brief 3

 1. Johannes Brief 3

3:1 Gseht nume, was für ne Liebi üüs der Vater gschänkt het – mir wärde Chind Gottes gnännt! U das sy mir au. Drum kennt d Wält üs nid: wül si ne nid kenneglehrt het.

2 Mini liebe, mir si jetz Ching Gottes, aber no isch nid offebar worde was mir si wärde. Mir wüsse jedoch, dass mir ihm glych wärde, wenn är offebar wird, denn wärde mr ne so gseh wien er isch.

3 U jede wo die Hoffnig het suigiert sech säuber, so wi o er dri isch.

4 Jede, der Sinde tribt, triebt au Gsetzlosigkeit, un Sinde isch Gsetzlosigkeit.

5 Ihr wüssed au, dass er offebar isch worde zum eusi Sinde wegznäh u i ihm isch kei Sünde.

6 Jede, wo mit ihm verbunde bliebt, tribt nid Sünde. Niemert wo Sünde triibt, het ne gseh oder kenneglehrt.

7 Liebi Chind, löhnd euch vo niemerem i d Irre füehre. Wär grächt handlet, isch grächt, so wie au er grächt isch.

 8 Wer Sinde triibt, stammt vom Deufel, denn dr Deufel het vo Afang a gsündigt. Derzue isch dr Bueb Gottes offebart worde: Um das, wo dr Deufel doe het, z zerstöre.

9 Jeda, der durch Gott uf d Welt kumme isch, tribt nit Sinde, wel Gottes Some bliebt in däm, un na ka nit Sinde tribe, wel la durch Gott uf d Welt kumme isch.

10 Do sin d Kinda Gottes un d Kinda vum Deufel z erkenne: Wer nit recht handlet, schtammt nit vu Gott, un wer si Brueder nit liebt, au nit.

11 Denn das isch d Botschaft, wo dir vo Afang a ghört heit: Mir sölle enand liebe,

12 nid wi Kain, wo vom Böse stammt het u si Brüeder ermordet het. U werum het er ne ermordet? Wüu sini eigene Tate schlächt sy gsy, wo sym Brüeder aber grächt.

13 Wunderet euch nid, Brüedere, dass d Wält euch hasst.

 14 Mir wüsse, dass mir vom Tod zum Läbe übergange sy, wüu mir d Brüedere liebe. Wär nid liebt, blibt im Tod.

15 Jede wo si Brüetsch hasst isch e Mörder und dir wüsset, dass kes Mörder ewigs Läbe i sich treit.

 16 Dür das hei mir d Liebi kenneglehrt: Wüu Jesus Christus sy Läbe für üs gäh het. Und mir sy verpflichtet, üses Läbe für üsi Brüedere z gäh.

 17 We öpper aber materielle Bsitz het u si Brüeder Not lide gseht u sech dennoch weigeret, ihm Mitgfüeu z zeige, wie blibt do d Liebi Gottes in ihm?

18 Liebi Chind, mir sötted nid nume mit Worte liebe, sondern au in Tat u Wahrheit.

19 So wärde mir wüsse, dass mir uf dr Site dr Wohrheit si. Und mir wärde üses Herz vor ihm beruhige

20 i auem, worin üses Herz het üs mah verurteile, wüu Gott grösser isch aus üses Herz u aues weis.

21 Ihr Liebe, we üses Härz üs nid verurteilt, chöi mir offe mit Gott rede.

22 U werum mir o immer bitte, mir bechöme s vo ihm, wüu mir sini Gebot hebe u mache was ihm gfaut.

 23 Ja, das isch sys Gebot: Mir solle an d Name vo sim Bueb Jesus Christus glaube un enand liebe, so wi er's üs uftreit het.

24 Üsserdem: Wer sini Gebote hebt, bliebt mit ihm verbunde un er mit nem. Un durch d Geischt, den er uns ge het, wisse ma, dass er mit uns vubunde bliebt.