1. Korinther 6 vo 6

1. Korinther 6 vo 6

6 Wägs öpert vo euch wo e striitfau mit eme angere het, vor ungrächte Mönsche vor Gricht z ga und nid vor die heilige?

2 wüsset Der de nid, dass di heilige über d wäut gricht halte wärde? U we dir über d Wäut Gricht söue haute sit dir da nid ir Lag, ganz gringfüegigi Aglägeheite z verhandle?

3 wüsset Der nid, dass mir über Engel Gricht halte werdet? Wieso also nid über Aglägeheite vo däm Läbe?

4 Wenn Der itze Aaglägeheite vo däm Läbe z verhandle heit, setzed ihr da Manne aus Richter ih wo me ir Versammlig herabblickt?

5 I säge das für nech z beschämme, gits nid ei einzige wisse Mönsche unger euch, wo zwüsche sine Brüedere rächt cha rede?

6 Stattdesse zieht en Brüeder gäge die andere vor Gricht, u das o no vor Ungläubige!

7 Eigentlech isch es scho ä Niederlag für üch, dass dir gägenand Prozess füehred. Warum löhnd ihr euch nid lieber unrecht tue? Warum löt der nech nid lieber lo betrüüge?

8 Stattdesse düet Der unrächt u betrügt, u das machet Der o no mit öire Brüedere!

9 Wüssed ihr denn nit, dass Ungrechte des Königrich Gottes nit erbe wäre? Lönd euch ned tüüsche: Persone wo sexuell unmoralisch handled, Götzendiener, Ehebrächer, Männer wo sech für homosexuelli Handlige hergebed, Männer wo Homosexualität praktiziere,

10 Diebe, Habgierigi, Trinker, Mensche wo anderi übel beschimpfe, und Erprässer wärde Gottes Königrich nid erbe.

11 U doch sy das einige vo öich gsy. Aba ihr sin inegwäsche wore, ihr sin gheiligt worde, ihr sin fir Grecht erklärt wore im Name vum Herrn Jesus Chrischtus un mit däm Geischt unsa Gottes.

12 Mir isch alles erlaubt, aber nid alles isch vo Vorteil. Mir isch alles erlaubt, aber i wott mi vo nüt beherrsche lo.

13 S'Ässe isch füre Mage da und de Mage fürs Ässe, doch Gott wird beidem es End mache. Dr Körper isch nid für sexuelli Unmoral da, sondern füre Herr, u dr Herr isch für de Körper da.

14 Gott het aber dr Herr uferweckt u wird o üs dür sini Macht uferwecke.

15 Wisse ihr nit, dass äiri Körper Deil vum Körper vu Chrischtus sin? Soll i denn de Körperteil vum Chrischtus wägnäh un sie mit einere Prostituierte vereinige? Niemals!

16 Wüssed Der nid, dass jede wo mit ere Prostituierte verbunde isch, e Körper mit ihre isch? Wüu "di beide", so seit er, "wärde eins sy".

17 Wer drgäge mit em Herr verbunde isch, isch mit ihm eis im Geischt.

18 Flieht vor sexuelle Unmoral! Jedi anderi Sünde wo en Mensch begoht isch usserhalb vo sim Körper, wo aber sexuelli Unmoral triibt, sindigt gege sin eigene Körper.

19. Wisse ihr nit, dass aicha Körper dr Tempel vum heilige Geischt in äich isch, den ihr vu Gott hän? Au ghärt ihr nit äich selba,

20 denn ihr sin fir ä Priis freigkauft. Vuherrlicht so Gott in äirem Körper.