Hiob 35 vo 42

35 Elihu het sini Erwiderig furt gsetzt:

 2 "Bisch so devo überzügt im Rächt z sii dassd behauptisch:

'I bi rechter als Gott'?

 3 Schliesslech seisch ja: 'Was kümmerets di?

Bini öppe besser dran als weni gsündet het?'

 4 I wirde der antworte

u o dine bekannte hie.

 5 Lueg zum Himmel ue u sieh,

Beobachti d Wulche, wo hoch über dir sind.

 6 Wi schadsch ihm we d sündigsch?

Wenn sech dini überträtige aalegge, was tuesch em scho a?

 7 Was gisch ihm we rächt bisch?

Was überchunnt er scho vo dir?

 8 Dini schlächtigkeit würkt sech nume ufne mönsch wi di us

und dini grechtigkeit nume uf e mönschesohn.

 9 D Lüt schreie uf unter dr Lascht vo dr Ungerdrückig.

Si schreie nach Erliechterig vor Herrschaft vo de Mächtige.

10 Aber niemer fragt: "Wo isch Gott, min grosse Erschaffer,

dä ir Nacht Lieder lat la singe?'

11 Är bringt üs me bi aus de tier vor ärde

un macht uns wisser als d Vegel vum Himmel.

12 Da isch Gschrei aber er antwortet ned,

wüu d Böse so stolz sy.

13 Mit Sicherheit ghört Gott kes läärs Gschrei.

Dä Allmächtig achtet nid druf.

14 Wi viu weniger denn, we di beschwärsch, dass ne nid gsehsch!

Di Rächtsfall lit ihm vor, drum söttsch gspannt uf ihn warte.

15 Er het nämlech nid zornig nachere abrächnig verlangt

no heter dini extremi voreiligkeit beachtet.

16 Vergäblech risst Hiob der Mul uuf.

Är macht vil Wort ohni Erkenntnis.