2. Moses 40 vo 40

2. Moses 40 vo 40

40 De het d Jehova zu Moses gseit:

2 "Am erste Tag des erschte Mönet söttsch d Stiftshütte, ds Zelt vor Zämekunft, ufboue.

3 Stell d trueh mit de gsetzstaffle ine und schirme si mit em vorhang ab.

4 Bring dr Tisch ine, u legg z'rächt was druf ghört. Bring o dr Lüüchter ie u zünd sini Lampe aa.

5 Denn stellsch dr goldig Rüücheraltarg vor d trueh mit de Gsetzschtablä und bringsch d Abschirmig am Igang zur Stiftshütte a.

6 Vor dä Iigang vo dä Schtiftshütte, vom Zält vo dä Zämekunft, stellsch dr Brandopferaltar.

7 Das Becke stellsch zwüsche ds Zält vor Zämekunft und dr Altar und füllsch Wasser ine.

8 Leg denn dr Vorhof ringsum aa u bringt d Abschirmig am Igang zum Vorhof aa.

9 Als nächschts nimmsch ds Salböl und salbsch d Stiftshütte und aues was drin isch. Du sellsch se und alli derzueghörige Gägeständ heilige damit si öppis heiligs wird.

10 Salbe dr Brandopferaltar mit allem Zuubhör und heilige dr Autar damit är e hochheilige Altar wird.

11 Du söusch o ds Becke u sis Gesteu salbe us heilige.

12 Bring dänn Aaron u sini Söhn zum Igang vom Zält vor Zämekunft u wäsch se mit Wasser.

13 Zieh Aaron die heilige Chleider a, salb ne u heilige nen. Er söll mir als Prieschter diene.

14 Nachher bringsch sini Söhn här u ziehsch ne langi Gwänder ah.

15 Haubs si wi du ihre Vater gsaubt hesch damit si mir aus Prieschter diene. Dür die Salbig wird ihne es duurhafts Prieschtertum übertrage, wo dur alli ihri Generatione hindedure fortbestaht."

16 Moses het alles so gmacht, wie d Jehova es ihm het uftreit. Genau so het ers gmacht.

17 Am erschte Tag vom erste Mönet im 2. Jahr isch d Stiftshütte ufgstellt worde.

18 Wo dr Moses d Stiftshütte ufboue het, het er ihri Istecksocku zrächt gleit, het d Fachwerchrahme uufgsteut, het d Schtange aagleit u het d Söue ufgrichtet.

19 Är het ds Zäut über dr Schtiftshütte us breitet u het d Zäutdecki drüber gleit, so wie d Jehova es Moses het uftrage.

20 Nochane het er d Gsetzstafle gno u het si i d Bundeslade gleit, är het d Stange ygsteckt u het dr Deckel druf gleit.

21 Är het d Bundeslade i d Schtiftshütte bracht, het dr Abschirmigs¬vorhang uufghängt und het d Trueh mit de Gsetzstafle abschirmet, so wies dr Jehova ds Moses het uftrage.

22 Aus nächschts het är dr Tisch i ds Zäut vor Zämekunft gsteut, uf d Nordsiite vor Schtiftshütte vor dr Vorhang.

23 Ufem Tisch het är ds Brot vor Jehova ufgschichtet, so wie d Jehova s Moses het uftrage.

24 Är het dr Lüüchter i ds Zäut vor Zämäkunft gsteut, ar Südsiite vor Schtiftshütte em Tisch gägeüber.

25 Er zündet d Lampe vor Jehova, so wies d Jehova ds Moses uftreit het.

26 Nochane het er dr goldig Altar i ds Zält vor de Zämekunft vor de Vorhang gstellt,

27 zum duftends Rüücherwerk druf z verbrenne, so wie d Jehova s Moses het uftreit.

28 Dänn het är d Abschirmig am Igang zur Stiftshütte aagleit.

29 Är het dr Brandopferaltar an dr Iigang vor Stiftshütte, vom Zält vo dr Zämekunft gschtellt, damit är ds Brandopfers und ds Getreideopfer het chönne druf opfere, so wies dr Jehova ds Moses het uftrage.

30 Denn het er s Becke zwüsche ds Zält vor Zämekunft und dr Altar gschtellt und Wasser zum Wösche inne gfüllt.

31 Moses sowie Aaron und sini Söhn wüsche sech dert d Händ u d Füess.

32 Jedesmau we si ds Zäut vor Zämäkunft beträtte oder zum Autar si si, hei si sich gwüsst, so wie d Jehova es Moses het uftrage.

33 Schliesslech het är d Abgränzig um e Vorhof vor Schtiftshütte u dr Altar ufbout und het d Abschirmig am Igang zum Vorhof a bracht.

So het Moses d Arbeit beendet.

34 Da het d Wulche ds Zält vor Zämekunft agfange z bedecke und d Jehovas Herrlichkeit het d Stiftshütte erfüllt.

35 Moses het nid chönne is Zält vo de Zämekunft gah, wüu d Wulche drüber isch gsy und d Herrlichkeit Jehovas d Stiftshütte erfüllt het.

36 We d Wulche vo dr Stiftshütte ufstieg, bringe d Israelite uf ihrere Reis ihres Lager jewils ab.

37 Stieg d Wulche aber nid uf, hei si nid wyter zoge – bis zu däm Tag wo si wider ufstieg.

38 D Wolke Jehovas isch nämlich am Tag über dr Stiftshütte gstande und znacht isch do es Füür gsi. Ds ganze Huus Israel hets uf sämtliche Reiseetappe chönne gseh.