Hesekiel 22 vo 48
- von rico loosli 6924 bioggio tessin
-
Zugriffe: 537
Hesekiel 22 vo 48
22 U wieder hani e Botschaft vo Jehova becho. Si het glutet:
2 "Mönschensohn, bisch bereit dä mit bluetig beladene Stadt ds Urteil z verchünde u dir aui ihri Abscheulechkeite bewusst z mache?
3 Säg: "Das sy d Wort vom Souverän Herr Jehova: "O Stadt, wo i irer Mitti Bluet vergisse, däre Zyt chunnt u wo sech widerlechi Götze macht, um sech z verunreinige!
4 Dür dis Bluetvergüsse hesch Du dich schuldig gmacht u dini widerliche Götze hei di verunreinigt. Du hesch ds Endi dire Täg beschleunigt u ds Endi dire Jahr isch cho. Drum wird ig di zum Gspötti für d Völker mache, zu öppis wo sech aui Länder luschtig mache.
5 Länder nöch u färn wärde di verspotte, di, der Name unriin u die volle Unrueh isch.
6 Jede Vorsteher Israels i dinere Mitti missbrucht sini Autorität zum Bluetvergiesse.
7 I dire Mitti behandlet me Vater und Mueter verächtlech. Me betrügt de asässige Frömde und behandlet ds vaterlose Chinda u d'Witwe schlächt.
8 Mini heilige Orte verachtisch u mini Sabbate entweihsch.
9 I dire mitti gits verleumder wo uf bluetvergiesse us si. I dire mitti nimmt me uf d berge opfermähler ih und git sech obszönem verhalte ane.
10 I dinere Mitti enterht me ds Bett vom eigete Vater u vrgoht sech are Frou, wo dür ihri Mensruation unrein isch.
11 I dire Mitti tribt e Maa abscheulechi Züüg mit der Frou vo sym Mitmönsche, e andere verunreinigt syni eigeti Schwiegertochter dür obszönes Verhalte, u wider e angere vrgeit sech a sym Schwöschter, wo Tochter sym eigete Vater.
12 I dinere Mitti lat me sech bestäche um Bluet z vergässe. Du verleihsch gäg Zinse oder zum Gwünn mache und erpresst Gäld vo dine Mitmensche. Ja du hesch mi völlig vergässe', erklärt dr Souveräne Herr Jehova.
13 "Ich chlatsche agwideret id Händ wäg dim unehrlech erworbne Gwünn u de Bluetate i dire Mitti.
14 Wird dis Muet standhalte u werde dini Händ starch blibe i de Täg woni gäg di ischrite? Ig säuber, Jehova, ha gredt u wirde ischrite.
15 I wirde di unger d Vöuker zerstreue u unger d Länder verspringe u dini Unreinheit es Änd mache.
16 U du wirsch vor de Voukern enteret wärde und müesse erkenne dasi Jehova bi.
17 U wider i e Botschaft vo Jehova übercho. Si het glutet:
18 "Menschensohn, das Huus Israel isch für mi wie wärtlosi Schlacke worde. Sy alli sy Chupfer, Zinn, Ise u Bli im Ofe. Si sy zu Silberschlack worde.
19 Drum seit der Souveräne Herr Jehova: 'Wüu dir aui wie wärtlosi Schlacke worde sy, bringe i Nech zmitzt z Jerusalem zäme.
20 So wi me Silber, Chupfer, Ise, Bli u Zinn im Ofe zämebringt u ds Füür abläst zum aues schmelze, so wird i Nech i mire Verärgerig u mim Zorn zämebringe, u i wirde euch abblase u schmelze.
21 I wirde Nech zämebringe u Nech mit em Füür vo vo mim Zorn abblase u ihr wärded irer Mitti gschmolze.
22 Wie me Silber im Ofe schmilzt, so wärde dir i ihrer Mitti gschmolze. U dir wärdet müesse erkenne dasi säuber, Jehova, min Zorn über euch usgosse ha.'"
23 Und wider hani e Botschaft vo Jehova übercho. Si het glutet:
24 "Mönschensohn, säg: "Du bisch es Land wo nid greinigt wird und uf das es nid rägnet am Tag vom Zorn.
25 Dini Prophete hän sich in dinere Mitte mitänanda vuschwore we ä brelle Löwe, der Buss risst. Sie vuschlinge Mensche. Si riissä Schätz u Koschtbarkeitä a sich. Si hei i dire Mitti viu Frouä zu Witwä gmacht.
26 Dini Priester hei mis Gsetz vergewaltigt und entweihe ständig mini heilige Orte. Si mache ke ungerschiid zwüsche öppis heiligem und öpis nidheiligem, kläre d lüt nid drüber uf, was unrein und was dri isch, u wei mini sabbat nid hebe, u ich bi i dinere mitti entweiht worde.
27 Die füehrende Manne i dinere Mitti sy wie Wölf, d Büebli risse. Si vrgisse Bluet und töte Mönsche, um sech uf unehrlechi Wiis z bereichere.
28 Doch dini Prophete hän ihri Tade mit wisse Farb ibacht. Si gseh fauschi Visione, wahrsage Lüge u bhoupte: "Das sy d Wort vom Souverän Herr Jehova", obwohl d Jehova nid gredt het.
29 Das Vouch vom Land het betroge u grobt, si hei de Notläidende u de Arme schlecht behandlet u de aasässige Frömde betroge u ihm ds Rächt verweigeret.'
30 'I sueche unger ihne e Maa wo d Steinmuur usbessere oder vor mine Ouge für ds Land id Bresch gumpe würdi, damit is nid vernichte, aber ha keini gfunde.
31 Drum wird ig mi Zorn über si usgiesse und se mit em Füür vo vo mim Zorn usrote. Ig wird d Fouge vo ihrem Verhautig uf si la zrügfaue', erklärt dr Souverän Herr Jehova.."