Jesaia 7 vo 66

Jesaia 7 vo 66

7 Zur Zyt vo Ahas,a Sohn vom Jotam, Sohn vom Usija, em König vo Juda, zog König Rezin vo Syrie mit König Pekach vo Israel, em Bueb Remaljas, gäge Jerusalem in Chrieg, doch er hets nid chönne iihne.

2 em Huus David isch gmolde worde: "Syrie het sich mit Ephraim zämetoo." Do zitteret d Herze vo Ahas u siim Volk wi vom Wind gschüttleti Bäum im Wald.

3 Jehova het jetzt zu Jesaja gseit: "Gang bitte zu Ahas use, du mit dim Sohn Schar-Jaschuba, am Endi vo dr Wasserleitig vom obere Teich a dr Landstrass zum Wöscherfäld.

4 Säg zu ihm: "Achti druf, ruhig bliibe. Ha ke Angscht u verlüre nid dr Muet wäg dere beide Stummel rauchende Holzscheite, wägem glüehende Zorn vo König Rezin u Syrie u em Sohn Remaljas,

5 will Syrie zäme mit ephraim und em Sohn Remaljas e Plan het gschmiedet zum dir z schade, sie säget:

6 "Lönd üs geg d Juda durufzieh unds i Stucke risse und für üs erobere. Und denn setze mer de Sohn Tabeëls dört als König i.."

7 Das seit der Souveräne Herr Jehova:

"Es wird nid glinge,

es wird nid gscheh.

 8 Denn ar Spitze vo Syrie staht Damaskus

u ar Spitze vom Damaskus steit Rezin.

Innerhalb vo nume 65 Jahr

wird Ephraim völlig zerschmetteret wärde und isch denn kes Volk me.

 9 Ar Spitze vom Ephraim steit d Samaria

u ar Spitze vor Samaria steit dr Sohn Remaljas.

We Der ke feschte Gloube heit,

wärdet dir ke feschte Bestand ha.

10 Jehova het wyter zu Ahas gseit:

11 "Bitte din Gott Jehova um es Zeiche. Es darf so tief si wie ds Gras oder so höch wie dr Himmu."

12 Aber Ahas het gseit: "Ich wird nid drum bitte und Jehova nid uf d'Probe stelle."

13 Druf gseit het Jesaja: "Los bitte zu, Huus Davids. Längts nid daser d Geduld vo Mensche uf d Prob stellet? Müesst Der o no d Geduld Gottes uf d Prob stelle?

14 Drum wird d Jehova sälber es Zeiche gäh: Die jungi Frou wird schwanger wärde und e Sohn zur Wäut bringe, u si wird ne Imanuel nenne.

15 Är wird Butter und Honig ässe, wener so wit isch daseres versteit ds Schlechte abzlehne und sech für ds guete z entscheide.

16 Well ehe de bueb es verstaht das schlechte abzlehne und sech für das guete z entscheide wird das land vo de beide könige vor dene du di fürchtisch, völlig verloh si.

17 Jehova wird für di u für dis Vouch u für ds Huus vo dim Vater ä schlimmi Zyt herbifüehre wies keni het gä sit em Tag wo sech Ephraim vo Juda trennt het. Är wird nämmlech der König vo Assyrie herbringe.

18 An jedem Tag wird d Jehova d Fliege vo de färne Nilarme Ägypte herbiipfe wi o d Biene us em Land Assyrie,

19 u si wärde aui cho u sech i de Tauschlüchte, i Fäuesspaute, uf aues Dornbüeli und a au dene Wasserschteue nöderla.

20 An däm Tag wird d Jehova es Schmesser us dr Euphratregion, dr König vo Assyrie, drfür zahle, dass är dr Chopf u d Bei schert u dr Bart grad mit abrasiert.

21 A däm Tag wird öper e jungi Chue vo dr Rinderherde u zwöi Schaf am Läbe erhalte.

22 U wüu's soviu Miuch git, wird är Butter ässe, wüu Butter u Honig wird jede ässe wo im Land übrig bliebt.

23 A däm Tag wird dert, wo 1'000 Wystöck im Wärt vo 1000 Silberstückli si gstange, nume no Dornegstrüpp und unkruut wachse.

24 Me wird mit Pfiil u Böge dert ane ga wüu de ds ganze Land nume no us Dornegstrüpp u Unkrut besteit.

25 Und aune Berge, wo me früecher mitere Hacke bearbeitet het, ne wirsch di us Angst vorem Dornegschtrüpp und em Unkrut nid nöcher. Dert wärde Stier wyde u Schaf der Bode zerrample."