Lukas 21 vo 24

Lukas 21 vo 24

21 Wo Jesus etze ufblickt het, het er gsäh, we die Riche ihri Gabe i d Schatzchäschte iwarfe.

2 De het er beobachtet, wiene bedürftigi Witwe zwöi chlini Münze vo ganz gringem Wert iwarf,

3 und är het gseit "I versichere euch, dass di armi Witwe meh iigworfe het aus aui angere.

 4 Denn si alli hei us ihrem Überfluss usegworfe Gabe iigworfe. Si het drgäge us ihre Armuet use alles iigworfe, was si zum Läbe gha het.

5 Aus später einigi über e Tämpu hei gredt, win er mit schöne Schtei u Weihgschänke gschmückt isch gsy,

6 het er gseit "Es wärde Tag cho, da wird vo däm wo Der hie gsehsch ke einzige Schtei uf em andere blibe. Alles wird zerstört."

7 Druuf hei si ne gfragt: "Lehrer, wenn wird das de passiere, u a welem Zeiche wird me erkenne wenns sowiit isch?"

8 Er git zantwort: "Passet uf, dass ihr nid tüüscht werded. Denn vieli wärde unter minem Name ufträtte u sage: 'Ich bin's', un: 'D Zyt isch nah.'Louft ne nid noche.

9 U we dir vo chriege u unrueh ghöre de erschreckt nid. Wüu das aues mues zersch passiere, aber ds ändi chunnt no nid sofort."

10 Wyter het er zu ne gseit: "Es Volk wird sech gäg ds andere erhebe und es Landa gäg ds andere.

11 Es wird grossi Erdbebe gäh und ire Gegend nach dr andere Läbesmittel¬knappheit und Süüche. O wird's erschreckendi Ablick gäh u vom Himmel us grosse Zeiche.

12 Doch bevor das alles passiert, wird me gäge öich vorgah und öich verfolge, indem me nech vor Synagoge und i Gfängnis bringt. Wäg mim Name wird me euch vor Könige u Statthalter steue.

13 Das wird derzue füehre, dass der aus Züg für mi uftretet.

14 Nähme euch in öirem Herze fescht vor, nid im Vorus izüebe, we ihr euch verteidige wäre,

15 denn i wird äich Wort un Wisheit ge, gege de alli äiri Gegner zsämme nit akumme un den sie nit widerspreche kenne.

16 Üsdäm wäre ihr sogar vu äire Eltere, Gschwischta, Vuwandte un Fründe üsglieferet wäre, un ma wird ä baar vu äich umbringe,

17 u aui Mönsche wärde euch wäg mim Name hasse.

18 Doch euch wird nid mal es Haar krüzt.

19 Dür das, dass Der usharrt, wärdeder öiches Läbe rette.

20 Doch we dir Jerusalem vo Heere umlageret gseh, de syder euch drüber im Klarä, dass d Zerstörig vor Stadt nooch isch.

21 De söue die wo z Judäa si afö id Berge flüge, die söue ir Stadt usegah u die ufem Land söue nid inegah,

22 denn das isch e zit wo für grächtigkeit gsorgt wird, damit sich alles erfüllt, wo i de schrifte steit.

23 Wehe d Schwangere un d schtillende Muetter in däne Däg! Denn grossi Not wird iba des Land kumme un Zorn iba des Volk.

24 Si wärde dür ds Schwert umcho u aus Gfangeni i aui Länder verschleppt wärde, u Jerusalem wird vo de angere Vouker verträtte bis di feschtgleitete Zyte vo de andere Vouk si abgloffe.

25 O wird's Zeiche a Sunne, Mond u Stärnli gä u uf dr Ärde Angscht u Schrecke under de Vöuker, wüu si wäg em tosende Meeres u syre Brandig weder us no e wüsse.

26 D Mensche wärde ohnmächtig wärde vor Angscht un Erwartig desse, was uf di bwohnti Erde zuekunnt, denn d Kräft vum Himmel wäre erschütteret.

27 Denn wärde si dr Mönsch mit Macht u grossi Herrlichkeit ire Wulche cho.

28 Doch we das aues afaat, de richtet Nech uf u hebt dr Chopf, wüu öii Befreiig isch nah."

29 Aaschliessend het är e Vergliich bracht: "Achtet auf den Fieigenbaum und alli andere Bäum.

30 Wenn se usschlage gsehder selber und wüssed, dass itz de Summer nah isch.

31 So erkennt o Dir, we Der die Dinger gschehne gseh, dass Gottes Königreich nooch isch.

32 Ig versichere euch: Di Generation wird uf ke Fall vergah, bis aues passiert.

33 Himmel u Erde wärde vrgoh aber mini Wort wärde uf ke Fall vergoh.

34 Pass aber uf öich uf, damit öiches Härz niemaus dür zviu Ässe u zviu Trinke u d Sorge vom Läbe schwär lade wird u dä Tag plötzlech, imne Ougblick über euch chunt

35 wiä e Schlinge. Denn er wird über alli cho, wo uf dr ganze Erdoberflächi wohne.

36 Blibet also wach u fleet drbi ständig damit ihrs schaffet, alles was mues gscheh, z entcho u vor em Mönschesohn ds stah.

37 Tagsüber het Jesus im Tempel glehrt, aber Nacht isch er use gange u het uf em sogenannte Ölberg übernacht.

38 Ds ganze Vouk isch immer scho früehmorge zum Tempel gange zum ne lose.