Richter 14 vo 21

Richter 14 vo 21

14 Simson isch den uf Timna abegange u het dert e Philisterina gseh.

2 Da ischer zum Vater u si Mueter zrüg gange u het gseit: "Mir isch in Timna e Philsterin ufgfalle. I wett, dass Derfür sorge, dass i se zur Frou überchume."

3 Sini Eltere entgägnet: "Findsch kei Frou under dine Verwandte u unger üsem ganze Volk? Muesch e Frou vo de unbeschnittene Philster hürote?" Dr Simson het jedoch zu sym Vater gseit: "Ich möcht, dass du derfür sorgsch, dass i se überchume. Si isch di Richtig für mi."

4 Sin Vater und sini Muetter hei nid erkennt dass das vo Jehova isch cho. Er suecht nämlech e Aalas, gäge d Philister vorzgah wo damals über Israel herrscht hei.

5 So isch dr Simson mit sine Eltere uf em Timna abe gange. Bi de Wyter vo de Timna isch plötzlech e brüelende Löwe uf ihn zue cho.

6 Do het dr Simson durch Jehovas Geischt Kraft gregt un het d Löie usenand grisst we wenn jemads mit blosse Händ ä jungi Geiss usenandrisst. Sine Eltere het er aber nüt dervo verzellt.

7 Simson isch wiiter gange u het denn mit dr Frou gredt. Er het immer no gfunde, dass si die richtig isch gsi.

8 Won er speter wider uf em Timna isch gangä für si hei go hole, bog er ab, wüu er nach em Kadaver vom Löie het wöue gseh. Är het drin e Bieneschwarm u Honig entdeckt.

9 Är het d Honig mit d Händ usegholt u ungerwägs dervo gässe. Wo er wider bi sine Eltere isch gsy, het er ne o öppis ab ge. Aber är het ne nid verzeut, dass är der Honig us em Kadaver vomene Löie het usegholt.

10 Vater isch zur Frou abegange, u em Simson het dert es Feschtässe verastaltet, denn das isch bi de junge Manne so üblich gsy.

11 Wo si ne hei gseh, hei si für ne aus Bräutigam 30 Männer aus Begleiter bracht.

12 Simson het zu nene gseit: "Löt mi bitte es Rätsel verzelle. We Der's während dr siebä Täg vom Fescht löst u mir d Antwort seit, überchömet Der vo mir 30 Untergwänder us Leine u 30 Obergwänder.

13 Chöit dir mir d Antwort aber nid gä, chum i vo euch 30 Untergwänder us Line und 30 Obergwänder über."Verzell üs di Rätsel! Loss ghöre!", hei si ne uf gforderet.

14 Do het er zu nene gseit: "Us em Frässer isch öppis z ässe cho, usem Starche isch öppis Süesses cho." Drü Täg lang hei si ds Rätsel nid chönne löse.

15 Am vierte Tag hei si zum Simsons Frou gseit: "Bring di Maa derzue, dass er üs d Lösig vom Rätsle verratet. Schüsch verbränne mir di u d Familie vo dim Vater. Hesch üs öppe hie häre iiglade zum a üse Bsitz cho?"

16 Da isch dr Simsons Frou ihm unger Träne vorgworfe: "Du muesch mi hasse. Du liebsch mi nid. Du hesch dr Manne us mim Volk es Rätsel ufgäh, aber mir hesch d Lösig nid verrate." Är het entgägnet: "Warum sött i Sä der verrate? I ha se ja nid emau mi Vater u mire Mueter gseit!"

17 Aber si het di restleche Täg vom sibetägige Feschtesse nid uf ghört gränne. Wel sie nen unda Druck gsetzt het, het da gsait am siebte Dag d Lösig vum Rätsel, un sie vurote sie d Männa.

18 Bevor am sibte Tag d Sunne undergange isch, hei d Manne vo de Stadt zu ihm gseit: "Was isch süesser als Honig u stärcher aus e Löwe?"

Er het erwideret: "We dir nid mit mire junge Chue pflügt hetet, hättet dir mis Rätsel nid glöst."

19 Denn het er durch Jehovas Geischt Kraft übercho u isch uf Askalonm abegange. Är het dört 30 Männer erschlosse, het ne d Chleidig ab gno u het se dene gä, wo s Rätsel glöst hei. Wütend het är zum Huus vo sym Vater zrügg kehrt.

20 Simsons Frou isch de eim vo sine Begleiter gä worde.