bibel in schwizerdütsch

D Psalme 127 bis 150

Es Lied vo de Ufstiege. vom Salomo.

127 We Jehova das Huus nid baut,

isch es umsuscht dass d baulüt hert dra schaffed.

We jehova d Stadt nid bewacht,

isch es umsuscht das de Wächter wach bliibt.

 2 Es isch umsüsch, dass Der früe ufsteit,

dass Der bis spaat ufbliibt,

dass ihr euch für euches Ässe abmüehet,

denn er sorgt für die, wo er liebt, un schenkt ne zueglich Schlof.

 3 Söhn si es Erbe vo Jehova.

Ching sy e Belohnig.

 4 Wie Pfiil ir Hand vomene Starche,

so sy d Söhn, wo me i junge Johr überchunnt.

 5 Glücklich isch dr Maa wo sin Chöcher mit ihne füllt.

Sie wärde nid beschämt dastah,

denn si wäre im Tor mit Feinde schwätze.

D Psalme 126 bis 150

Es Lied vo de Ufstiege.

126 Als Jehova di Gfangene Zions het zruggchehre,

gloub hei mir z träume.

 2 Damals isch üses Muul voll lache gsi,

üsi zunge voll jubel.

Doo het's under de Völker gheisse:

"Jehova het Grosses für si doe."

 3 jehova het grosses für üs do

u mir si überglücklech.

 4 La üsi Gfangene doch zruggchehre, o Jehova,

wi d Bächi im Negb.

 5 Di mit Träne säe,

jublend werde si ernte.

 6 Wär uszieht, wenn ou unter Träne,

si Büütel voll Same bi sich,

wird ganz bestimmt jublend zrüggchehre,

sy Garbe trägend.

D Psalme 125 vo 150

Es Lied vo de Ufstiege.

125 Di uf Jehova vertroue,

si wie dr Berg Zion wo nid z erschüttere isch

sondern für immer blibt.

 2 Wie Jerusalem vo Bärge umgebe isch,

so umgit jehova si volk

vo itze a bis i ewigkeit.

 3 Das Zepter vo de Schlächtigkeit wird nid überem Land bliebe wo de Gerechte zuegeilt isch,

damit d Grechte nid dezue übergönd, verchehrt z handle.

 4 tuen Guets, o Jehova,

dene wo vo Härze ufrichtig si.

 5 Was di betrifft, wo uf ihri chrumme Wääg abbiege,

Jehova wird se besitige zäme mit dene wo vercheret handle.

Friede über Israel!