-
rico loosli 6924 bioggio tessin
-
Zugriffe: 588
Hiob 10 vo 42
Hiob 10 vo 42
10 Mis Läbe klaut mi a.
Ig wird mi Klagä Luft mache.
I mire Verbitterig wirde ig rede!
2 I wirde zu Gott säge: "Sprich mi nid schuldig.
Säg mer warum du gäg mi kämpfsch.
3 Hesch öppis devo, anderi z unterdrücke,
ds Wärch vo dire Händ z verachte
un glychzytig d Rot der Böse gutsche?
4 Hesch öppe Mönscheauge?
Gsesch du so wi der stärblech Mönsch?
5 Sind dini Täg wi di vor Sterbliche
oder dini Jahr wie di einte Maa,
6 dassd mis vergehe usfindig machsch
u ständig nach mire Sünde suecht?
7 Du weisch dassi nid schuldig bi.
Niemer cha mi us dinere Hand rette.
8 Dini eigeti Händ hei mi gformt u gschaffe,
aber itz wotsch mi völlig vernichte.
9 Bitte dänk dra, dassd mi us Ton gmacht hesch,
doch itz lasch mi zum Schtoub zrüggchere.
10 Hesch mi nid wie Milch usgosse
u wi chäs la grinne?
11 Mit Hut u Fleisch hesch mi bekleidet
und us Chnoche u Sehne hesch mi zämegwobe.
12 Läbe u loyale Liebi heschmer gschänkt.
Mit Dinere Fürsorg hesch mi Geischt behüetet.
13 Doch insgeheim hesch schlächts gha mit mir vor.
I weiss, das aues chunnt vo dir.
14 Wenni sündige würdsch mi beobachte
u mi nid vo mim Vergehe freispreche.
15 Bi ig schuldig – schlächt für mi!
Und selbst wenni unschuldig bi, chani de chopf nid hebe,
Denn i bi gsättig mit Unehr und Kummer.
16ni Hebeni dä Chopf, jagsch mi wienes Löwe
u laht mi wider dini Macht gspüre.
17 Du stellsch nöii Züg gäg mi uf
und steigerisch di zorn gäg mi,
während dr e Härti nach dr angere über mi chunnt.
18 Warum also hesch mi usem Muetterleib gholt?
I hätt söue stärbe, bevor mi irgend es Oug het gseh.
19 Es wär gsi aus hätti nie existiert.
Vom Muetterleib wäri diräkt is Grab brocht worde.
20 Sind mini Täg nid wenig? würd er mi doch nume i rueh la!
Würd er doch nume si Blick vo mir abwände damit ig chli Erliechterig hätt.
21 ehe i weggah – ohni rückkehrs –
ids land tiefster finsternis,
22 i das Land üsserschte Dunkelheit,
es land tiefe schattens wo ke ordnig herrscht
wo selbst z Liecht wi ds Dunku isch.