bibel in schwizerdütsch

Hosea 5 vo 14

5 "Höred her ire Priester pass uf, Huus Israel los zue, Hus vom König, denn ds Gricht betrifft euch, wüu dir e Falle für Mizpa sy, e überem Tabor usgspannts Netz.

 2 D abtrünnige si tüüf im abschlachte versunke und i warne si alli.

 3 Ich kenn Ephraim, Israel isch nid vor mir verboge. Denn jetzt, o Ephraim, hesch du unmoralisch ghandlet, Israel het sich verunreinigt.

 4 Ihri Handlige erloube ne nid, zu ihrem Gott zrüzchere, wüu under ihne ä Geischt vor Prostitution herrscht, u Jehova erkenne se nid a.

 5 Dr Stolz Israels seit gäge ihn us. Sowohl Israel als au Ephraim sy durch ihr Vergehe i Stolperä grote und Juda mit ihne.

 6 Mit ihrne Schöfli u Rinder si uf d Suechi nach Jehova, hei ne aber nid chönne finde. Är het sech vo ne zrüggzoge.

 7 Si hei Jehova betroge, denn si hei frömdi Söhn zügt. Etze wird se ä Monet u ihri Aateil uffrässe.

 8 Blaascht ds Horn z Gibea, d Trömpete ds Rama! Erhebt es Chriegsgschrei z Beth-Awen – dir nach benjamin

 9 O Ephraim, du wirsch zumene Bild vom Grauen am Tag vor Straf. I ha bekannt gä was unter de Stämm Israels mit Sicherheit gscheh wird.

10 Die füehrende Männer Judas gliche dene wo e Gränzmarkierig versetze. I wirde mi Zorn uf si usgüsse wi Wasser.

11 Ephraim isch unterdrückt, zu Rächt zermumt, denn er isch entschlosse gsi sim Gägner nachzlaufe.

12 Deshalb bini für Ephraim gsi wine Motte u für ds Huus Juda wia Fäulnis.

13 Als Ephraim sini Krankheit sieht un Juda sini Gschwür, goht Ephraim nohch Assyrien un het Boten zumene grosse Kenig gschickt. Dä aber het öich nid gsund chönne mache, är het öiches Gschwür nid chönne heilä.

14 Denn i wir fir Ephraim we ä junge Löwe si, we ä starke Löwe fir des Hus Juda. Ich sälber wirde sie in Stück risse un wäggoh. I wirde se wägschleppe u kene wird se befreie.

15 Ig wirde wäggah u a minä Ort zrüchere bis si d Folge vo ihrer Schuld trage u när wärde si sech um mini Gunst bemühe Wenn si i Not si werde si mi sueche.

Hosea 4 vo 14

4 Hör di Wort Jehovas, Volk Israel, denn Jehova het e Rächtsstritt mit de Bewohner vom Land wills kei Wohrheit, kei loyali Liebi und kei Gotteserkenntnis im Land git.

 2 Falschi Eide u Lüüge u Mord, Diebstahl u Ehebruch sy wyt verbreitet, u e Bluetat längt sech a di angeri.

 3 Drum wird s'Land truure u alli sini Bewohner wärde drhinsieche. D'Wildtier vom Fäld u d'Vögu vom Himmu, ja säubscht d'Fisch vom Meer wärde verände.

 4 "Doch niemer sött striite oder zrächtwiise, denn dis Volk glicht dene wo mit emene Priester striited.

 5 Drum wirsch am hellischte Tag stolperä, u o dr Prophet wird mit dir stolperä, aus wärs Nacht. Und i wirde dini Mueter zum Schweige bringe.

 6 Mi Volk wird zum Schweige bracht wärde wüu ke Erkenntnis da isch. wiu du Erkenntnis abglehnt hesch wird oh ich di aus mi Priester ablehne. U wüu du ds Gsetz vo dim Gott vergässe hesch, wirde au i dini Söhn vergässe.

 7 Je zahlriicher si worde, desto meh sündigte si gäg mi. I wirde ihre Ruhm in Schand verwandle.

 8 Sie ernähre sech vor Sünde vo mim Volk u giere nach sim Vergehe.

 9 Am Volk wirds genauso ergah wie em Priester. I wirde se für ihre Läbenswandel zur Rächeschaft zie und si d Folge vo ihrne Tate la träge.

10 Si wärde ässe aber nid satt wärde. Si wärde krasse Unmoral begöh, sech aber nid vermehre, wöu si ke Achtung vor Jehova zeigt hei.

11 Prostitution u Wy u nöie Wy nähme eim d Motivation, ds Richtige z tue.

12 Mi Volk zieht sini Götze us Holz zu Rate u tuet was ihm si Orakelstab seit. Denn dr Geischt dr Prostitution fihrt sie uf Abwäg, un durch ihri Prostitution lehn sie nen ab, sich Gott z underwerfe.

13 Uf de Gipfel vo de Bärge opfere se, u uf de Hügel lö si Opfer z Rauch ufga, unger Eiche u Storax Bäum u jedem grosse Baum wüu ihre Schatte guet isch. Drum begöh öii Töchter Proschtitution u öie Schwiegerertöchter Ehebruch.

14 Ig wirde öii Töchter für ihri Prostitution nid zur Rächeschaft zieh und o nid öii Schwiegerertöchter für ihre Ehebruch. Wüu d Manne göh mit de Huere dervo u opfere mit de Tempuprostituierte. sones Volk ohni Verstands wird ungergah.

15 Obwohl du Prostitution begasch, Israel, söll Juda nid schuldig werde. Chunnt nid nach Gilgal oder uf Beth-Awen und schwört nid: 'So wahr Jehova läbt!

16 Denn wie e störrischi Chue isch Israel störrisch worde. Wird d Jehova se iz öppe wi ne junge Schafbock ufere offene Weid häte?

17 Ephraim hängt a Götze. Loo ne nume!

18 Wenn ihm das Bier uusgange isch begoht er krass unmoral. und sini herrscher liebe unehr überus.

19 Dr Wind wird ihn i sini Flügel iiwickle und er wird sech für sini Opfer schäme."

Hosea 14 vo 14

14:1 "Chum zrugg Israel, zu dim Gott Jehova, denn du bisch durch di Vergehe i Stolperä grate.

 2 Chunnt mit folgende Wort zu Jehova zru, ja seit zu ihm: 'Verzei doch üses Vergehe und nimm Guets entgege,

u mir wärde dir mit üsne Lippe Lobpriis darbringe aus würde mir jungi Stiere opfere.

 3 Assyrie wird üs nid rette. Mir wäre nimi uf Ross rite un nimme zum Werk üsere Händ säge: O üs Gott!, denn durch di erfahrt ds vaterlose Kind Barmherzigkeit.

 4 Ig wirde se vo ihrere untrüue heile. Ig wirde se us eigete, freiem Wille liebe, wüu sech mi zorn vo ihne abgwandt het.

 5 Ig wirde für Israel wi dr Tau wärde. Si wärde blühe we d Lilie u ihri Wurzle töif verankere we d Bäum vom Libanon.

 6 Ihri Zweige wärde sech usbreite, Ihri Pracht wird am Olivebaum glyche u ihres Duft em Libanon.

 7 Si wärde wider i sym Schatte wohne. Si wärde Getreide aboue und wärde Knospen tribe wi der Wystock. Sy Ruhm wird sy wi der Wy vom Libanon.

 8 Ephraim wird säge: 'Was han i no mit Götze z'tue? I wirde antworte u über ihn wache. I wirde wi ne geihne Wacholderbaum sy. An mir wird me dy Frücht finde."

 9 Wer isch wiis? Er söll das alles verstah. Wer isch verständig? Er söll das alles erkenne. Wüu d Wäg Jehovas si graddem u di Grechte wärde uf ihne ga, doch d Gsetzesüberträter wärde uf ihne id Stolpere cho.