bibel in schwizerdütsch

Hosea 13 vom 14

13 "Wenn Ephraim gredet het, het me zitteret, er isch hoch ahgseh z Israel. Doch er het sech schuldig dür Baal gmacht und stirbt.

 2 Zu ihrer Sünde chunnt itze no derzue das si sech us ihrem Silber Metallstatue mache. Gschickt fertige si Götze a, allesamt ds Wärch vo Handwärcher. Zu ihne saage si: 'D'Opferde söue d Chälber küsse.'

 3 Drum wärde si wi d Morgewulche wärde, wi der Tau, wo früe verschwindet, wi Spreu wo e Sturm vom Dreschplatz weht, u wi Rouch, wo us der Dachluke entweicht.

 4 Ich aba bi di Gott Jehova sit Ägypte. Dü hesch kei Gott üs ma kenne un abgseh vu ma gits kei Retter.

 5 Ig ha di chönne ir Wildnis, im Land dr Dürre.

 6 Sie ässä sich satt uf ihre Weid. Sie ässä sich satt un ihr Herz wird schtolz. Un so vugässä sie mi.

 7 I wirde für si wi ne junge Löwe wärde, wi ne Leopard, wo am Wäg uf dr Lauer lit.

 8 Ig wird se afah wi ne Bärin wo ihri junge verlore het u ig wird ne d bruscht ufrisse. Ig wird se dert verschlinge wi ne Löwe. Es wilds Tier vom Feld wird si i Stück risse.

 9 Es wird dir es End mache, o Israel will du dich gege mich, gege din Helfer gwandt hesch.

10 Wo isch denn di König wo di i all dine Städt chönt rette, wo si dini Herrscher, wo du seisch:Gib mer doch en Chönig u Fürste'?

11 I mire Verärgerig han ich dir en Chönig gha u i mim Zorn wird ich ihn wider wägneh.

12 S Vergehe Ephraims isch iigwicklet, sini Sünde isch ufbewahrt.

13 D Wäää für sis Geburt wärdä cho. Doch är isch es dumms Chind, zum Ziitpunkt vor Geburt zeigt är sich nid.

14 Vo de Macht vom Grab wird i se erlöse. Vom Tod wird i se zrügghole. Wo sind dini stachle, o tod? Wo isch dini vernichtendi gwalt, o grab? Mini Ouge wärde ke Mitleid kenne.

15 Säubscht we Ephraim im Schilf sött geihe, wird es Ostwind cho, dr Wind Jehovas, är chunt vo dr Wüescht für si Brunne usztrochne und sini Quelle la z versiege. Är wird d Schatzchammere plündere, aui sini Choschtbarkeite.

16 Samaria wird für schuldig erchlärt werde, denn es het gege sin Gott rebelliert. Dur das Schwert wird's falle. Sini Chind wärde zerschmetteret wärde und sini Schwangere uufgschlitzt."

Hosea 12 vo 14

12 "Ephraim ernährt sech vo Wind. Dr ganz Tag jaggt er em Oschtwind noche. Är hüüft Lüge u Gwalt aa, schlüsst e Bund mit Assyrie u bringt Öl nach Ägypte.

 2 Jehova het ä Rächtsstritt mit Juda. Är wird Jakob zur Rächeschaft zie für sini Handligswiis, är wird ihm ge was är für sini Tate verdient.

 3 Im Mueterläb het är sy Brüeder ar Färse packt u mit aller Chraft het är mit Gott kämpft.

 4 Unermüedlich het er mit nem Engel kämpft un behauptet sich. Er hült un flegt nen um Gunscht a." Gott het nen in Bethel gfunde un het dert mit uns gsait.

 5 Jehova, dr Gott dr Heere, Jehova isch sy Gedenkname.

 6 "Kehr auso zu dim Gott um, bewahre loyali Liebi und Rächt und hoffe immer uf din Gott.

 7 Doch dr Händler hebt ä betrügerischi Waag ir Hand, är liebts angeri z übervorteile.

 8 Ephraim seit immer wieder: 'Es stimmt, i bi rich worde, i bi z Riichtum glangt. A all mine herte Arbet wird me nüt Verkehrs oder Sündigs finde.'

 9 Ig aber bi di gott Jehova sit Ägypte. ig wird di wieder i zäutä lah wohne wi zunerä feschtgleitä zit.

10 Ich ha zue d Prophete gschwätzt un loss sie alliziit me Visione säh, un i ha durch d Prophete Glichnisse vuzellt.

11 Z Gilead het's Betrug u Unwahrheit gä. Z Gilgau hei si Schtier gopfertund iri Altär sy wie Steihuufe i de Furche vom Fäld.

12 Jakob isch wägg is Gebiet Aramb gläge. Dört isch Israel wege e Frou zum Diener, e Frau zueliebi het er Schaf gha.

13 Durch ä Prophete het Jehova Israel üs Ägypte usefihrt, durch ä Prophete isch Israel behüetet worde.

14 Ephraim het bitteri Chränkig verursacht. Sy Bluetschuld bliebt a ihm hafte. Sy Herr wird ihm d Schand, won er verursacht het zrügzahle.

Hosea 11 vo 14

11 "Als Israel e Bueb isch gsi, hani ne liebe und us Ägypte ha ig mi Sohn gruefe.

 2 Je meh si vo ihne grüefe worde, umso witer si si si vo ihne wägg gange. Unufhörlech hei si d Baalsfigure opferet u hei ds Götze Opfer dargbracht.

 3 Doch i bi es gsi wo Ephraim s Laufe biibracht het und ihn id Arme gno het, und sie hei nid erkennt dass i se gheilt ha.

 4 Mit de Seile vo de Mönsche, ja mit de Schnure vor Liebi zog i se ständig. I bi für si gsi wie öpper, wo das Joch vo ihrem Nacke hebt, u liebevoll hani jedem vo dene z ässe brocht.

 5 Si wärde nid nach Ägypte zrü kehre sondern Assyrie wird ihre König si, wüu si sech weigere zu mir umezchere.

 6 Und es Schwert wird i ihrne Städt umewürble u ihri Riegel zerstöre u si uffrässe wäg ihrne böse Plän.

 7 Mis Volk isch druff us mir untreu z si. Me het's zwar ufegrüert, aber keine erhebt sich.

 8 Wi chani di ufgeh Ephraim? Wie chani di usliefere israel? Wie chani di we adma behandle? Wie chani di zebojim glichmache? Bi mir hets e Sinneswandel gä, glichzitig het sech mis Mitgfüeu gregt.

 9 Ich wird mi glüehende Zorn nit useloh. Ich wird Ephraim nit wieda vernichte, denn i bi Gott un nit ä Mensch, der Heilige in dinere Mitti. Und i wirde nid hässig über euch herfalle.

10 Si wärde hinger Jehova härzieh u är wird wien es Löwe brülle. Wenn er brüllt, werden sini Söhn zitternd usem Weschte cho.

11 Wien Vogu wärde si zitternd us Ägypte cho, wi ne Toube usem Land Assyrie. Und i wirde derfür sorge, dass si i ihrne Hüser wohne", erklärt Jehova.

12 "Ephraim het mi mit Lüge umgäh und ds Huus Israel mit Betrug. Doch Juda ziht no mit Gott umenand und isch em Heiligste treu."