-
rico loosli 6924 bioggio tessin
-
Zugriffe: 559
Hebräer 12 vo 13
Hebräer 12 vo 13
12 Da mir etz ä so grossi Wolke vo Züg um üs hei, wei mir o aune Ballast und wo üs liecht umschlingendi Sünde abwärfe und i däm vor üs liegende Wettlouf mit Usharre loufe.
2 Derbi wei mir dr Blick uf Jesus grichtet haute, dr Houptvermittler u Vervollkommner vo üsem Gloube. Für de vor ihm liegende Fräid het er ä Marterpfahl vutrait, ohni uf d Schand z achte, un er het sich a di rechti Site vom Gottes Thron gsetzt.
3 Ja, betrachtet genau dä, wo vo Sünder – gäg ihri eigete Interässe – settigi Afeindige erduldet, damit är nid müed wärdet u ufgebt.
4 I öiem Kampf gäge die Sünde heit dr no nie bis uf ds Bluet widerstange.
5 U dir hei d Ufforderig ganz vergässe, wo a Öich als Söhn grichtet isch: "Mi Sohn, schätz d Erziehig vo Jehova nid gring, und gib nid uf, wennd vo ihm korrigiert wirsch.
6 Denn Jehova erzieht die, wo er liebt, ja er bestraft jede, woner als Bueb ufnimmt.
7 Ihr muess usharre, des isch Teil vu äire Erziehig. Gott behandlet äich als Bueb. Un wele Bueb wird nit vu sinem Vater erzoge?
8 Wenn dir aber d Erziehig wo alli becho hei, nid übercho si ihr genau gno unehelischi Chinder und nid Söhn.
9 Üsi libleche Vätere hei üs ja o erzoge u mir hei si respektiert. Söttet mir üs denn nid umso bereitwilliger em Vater üsem geischtige Läbe unterwerfe zum Läbe?
10 Denn si hei üs e churzi Zyt verzoge, we si's für richtig hei ghaute. Er aber tuet's zu üsem Nutze, damit mer a sire Heiligkeit chöi teilha.
11 Zwar erschiint en Erziehigs¬massnahm im Moment nid erfreulich, sondern si isch schmerzlech, aber hingerhär bringe si dene wo dür si gschuulet worde, Friede u Grechtigkeit aus Frucht.
12 Drum stärkt di erschlaffte Händ u di schwache Chnü,
13i und schaffet witer grad Wäg für öui Füess, damit das wo lahm isch, nid usgränkt, sondern viel meh gheilt wird.
14 Strebt uf friede mit allne mönsche sowie nach de heiliga ohni die niemert wird de Herr gseh.
15 Passt guet uf, dass sech niemer um di unverdiente Güte Gottes bringt, damit ke giftigi Wurzle ufe schiesst und Unrueh schafft u dadurch vieli verunreinigt wärde.
16 Achtet o druf, dass es niemer git, wo sexuell unmoralisch handlet oder heiligs nid schätzt, wi Esau wo sini Erschtgeburtsrecht für e einzigi Mahlziit hergäh het.
17 Ihr wüssed ja, das er när abglehnt isch worde woner het welle de Säge erbe. Obwohl er sech under Träne bemüht het, e Sinneswandel herbeizfüehre, het er nüt erreicht.
18 Denn dir heit nech nid emene Bärg gnächeret wo me cha afasse u de i Flamme steit, oder ere dunkle Wulche u dichte Finsternis u e Sturm,
19 auso nid am Trömpetestoss und em Schau vor Stimm. Wo ds Volk si ghört het, het's iidringlech drum biegt, dass kes wyters Wort me zu ihne gseit würd.
20 Si hei nämmlech d Aawisig nid chönne verträge, wo luutet: "Säubscht we es Tier dr Bärg berüehrt, söu's gsteinigt wärde.
21 O das Schauspiel so furterregend gsy, dass Moses gseit het: "I ha Angst und zitter.
22 Ihr hän äich viel me däm Berg Zion gnähre un dr Schtadt vum lebändige Gott, däm himmlische Jerusalem, un Myriade vu Engel
23 in dr allgemeine Vusammlig, au dr Vusammlig vu d Erschtgeborene, de im Himmel iitreit worde sin, un Gott, däm Richta alle, un däm geischtige Läbä vu Grechte, de vollkomme gmacht worde sin,
24 u Jesus, em Vrmittler vomene nöie Bundes, u em vrsprengt Bluet wo uf bessere Wys redt als Abels Bluet.
25 Passet uf, dass Der Nech nid weigeret, uf dä z ghöre, wo redt. Denn wenn scho de nit ungstraft drvukumme, de sich weigere, uf den z häre, der uf d Erde e göttlichi Warnig het laa, so wäre ma ersch recht nit ungstraft drvukumme, wenn ma uns vu däm abwände, der vum Himmel schwätzt.
26 Damals het sy Schtimm d Ärde erschütteret, jitz aber het er versproche: "No einisch wird i erschüttere – nid nume d Ärde, sondern o der Himel.
27 Der Usdruck "no einisch" zeigt, dass das, wo erschüttert wird – also das, wo gmacht worde isch – besiitigt wird, damit das, wo nid cha erschütteret wärde, blybt.
28 Da mir also es Chünigrich söue becho, wo nid cha erschütteret wärde, möge mir witer unverdienti Güet übercho, durch wo mir uf anähmbar Wys für Gott heilige Dienst chöi tue – mit Gottesfurcht u Reschpekt. 29 Denn üse Gott isch es verzehrends Füür.